web counter
LEXO PA REKLAMA!

SHKARKO APP

App Store
Google Play

E fundit!

x

Olsi Rama flet pas suksesit: Tani le të festojmë!

29 Maj 2023, 18:53, Sport CNA

Partizani është ekipi kampion i Superiores për sezonin 2022-2023. Të kuqtë fituan 2-0 kundër Teutës dhe zhvlerësuan triumfin 1-2 të Tiranës ndaj Erzenit. Nga ana tjetër Erzeni mban vendin e Play Out dhe Bylisi bie nga Kategoria, pasi ka humbur ndaj Vllaznisë me rezultatin 1-2.

Shkodranët arrijnë në Europë duke iu bashkuar Tiranës, Partizanit dhe Egnatias. Ndërkohë dy ekipet që kanë rënë nga Kategoria janë ato të Kastriotit dhe Bylisit. Më poshtë gjeni intervistat e protagonistëve:

Olsi Rama: “Jam shumë i gëzuar kur shoh lojtarët që shpërblehen për punën e tyre. Ky kampionat ishte shumë rivalizues dhe i bukur. Duhet të përmirësohemi nga ndeshja në ndeshje, jam shumë falënderues për tifozët dhe presidentin. Planet e Partizanit? Për momentin, duhet vetëm të festojmë titullin dhe të pushojmë pak. Të fitosh titullin është bukur, për ta mbrojtur është më e vështirë. E kisha pak me merak se kush ndërtonte stadiumin në vitin e parë nuk ishte mirë, por ne e thyem tabun, e ndërtuam stadiumin dhe direkt sollëm titullin”.

Telushi: “Janë emocione të mëdha, ne ia dolëm në fund. Unë jam një njeri që e dua drejtësinë, flas gjithmonë me zemër dhe Zoti të ndihmon pastaj. Kur erdha këtu kisha shumë njerëz kundër, kjo më bën që ta shijoj edhe më tepër trofeun. Ulje-ngritjet gjatë sezonit janë ato që të bën ta shijosh më shumë të gjithën këtë”.

Marini në lot: “Jam shumë i emocionuar. Kemi punuar shumë, dua t’i falënderoj të gjithë lojtarët dhe presidentin. Kemi qenë gjithmonë të bashkuar. Janë thënë shumë gjëra për këtë ekip, ne jemi ekipi me moshën më të re. Le të thonë çfarë të duan, ne e kemi merituar. Kontratat e lojtarëve tanë skadojnë në 2025, 2026, ky është vetëm fillimi i një cikli të ri”.





Lajmet e fundit nga