web counter
LEXO PA REKLAMA!

SHKARKO APP

App Store
Google Play

E fundit!

x

Nuk ka kohë për pushim, Shqipëria nis përgatitjet për Gjeorgjinë

8 Shtator 2024, 12:00, Sport CNA

Nuk ka kohë për pushim, Shqipëria nis përgatitjet për

Pas fitores 2-1 me Ukrainën, Kombëtarja shqiptare ka nisur menjëherë përgatitjet për ndeshjen e dytë në Nations League ndaj Gjeorgjisë.

Kuqezinjtë kanë zhvilluar një seancë stërvitore paraditen e së dielës në qendrën stërvitore të klubit Sparta Prague.

Në seancën stërvitore lojtarët që u aktivizuan titullarë me Ukrainën zhvilluan vetëm disa ushtrime fizike dhe pa top, ndërsa futbollistët që nuk u aktivizuan apo hynë në fushë si zëvendësues bënë stërvitje më të ngarkuar dhe taktike.

Departamenti i Komunikimit në FSHF bën me dije se seanca stërvitore zgjati rreth një orë dhe të gjithë lojtarët janë në gjendje të mirë pa probleme fizike. Kombëtarja pritet të mbërrijë pasditen e sotme në Tiranë dhe do të akomodohet menjëherë në hotel.

Shqipëria do të mbyllë nesër përgatitjet për ndeshjen me Gjeorgjinë. Fillimisht trajneri Silvinjo do të dalë në konferencën zyrtare për shtyp në stadiumin “Air Albania” në orën 18:30. Më pas tekniku kuqezi së bashku me ekipin do të zbresin në fushë për seancën e fundit stërvitore.

Ndeshja Shqipëri – Gjeorgji do të luhet të martën, më 10 shtator, në orën 20:45, në stadiumin kuqezi “Air Albania”. Mbështetja për ekipin Kombëtar do të jetë maksimale, pasi pothuajse të gjitha biletat për ndeshjen janë shitur.





Lajmet e fundit nga