E fundit!

22:06 Politikë

“Vetëm një i leshtë mendon që protesta nuk është e manipuluar”/ Spaho: Shqipëria drejt destabilizimit politik

Ish-nënkryetari dhe ish-deputeti i PD-së Edmond Spaho ka f...

Nis La Liga e 100 minutave, shumë risi në sezonin 2023-2024

12 Gusht 2023, 17:34, Sport CNA

La Liga ka startuar mbrëmë me dy takime, teksa sonte e ka radhën Reali i Madridit, ndërsa kampionia në fuqi, Barcelona, do ta nisë të dielën rrugën e saj drejt mbrojtjes së titullit. Një sezon që ofron plot pikëpyetje për gjigantët spanjollë.

Reali i Madridit pa Kurtuanë dhe Benzemanë dhe në pritje të Kilië Mbapesë për të sfiduar kampionët. Atletiko e “Çolo” Simeones si një alternativë për ta bërë më interesante garën për trofeun. Pjesa tjetër lufton për të mbijetuar në një sezon të shënuar nga kufiri i pagave dhe vështirësitë financiare të klubeve. Mjafton të shikohet investimi prej vetëm 300 milionë eurosh nga 20 skuadrat e La Ligës krahasuar me afro 2 miliardë euro që ka shpenzuar Premier Liga dhe vështirësitë e shumicës dërrmuese të klubeve spanjolle për të regjistruar lojtarë të rinj.

Mungojnë shumë nënshkrime – “do të ketë largime para afrimeve”, përsërisin nëpër klube – dhe ndërsa vjen 1 shtatori, data e mbylljes së merkatos verore, këtë fundjavë La Liga nis me disa lajme shumë domethënëse. Më e rëndësishmja, me siguri do të jetë fakti që do të shohim ndeshje 100-minutëshe. Gjithçka për të mos rregulluar një defekt të kampionatit spanjoll, që mbetet kampionati me lojën efektive më të paktë mes ligave kryesore europiane me vetëm 53 minuta e 36 sekonda.

VAR-i ishte një nga protagonistët e mëdhenj të sezonit të kaluar dhe në këtë fushatë synimi është që ky trend të ndryshojë. “Sezoni i kaluar është përmirësuar për sa i përket ekipit të arbitrazhit”, tha Medina Kantaleho. Dhe për këtë arsye gjyqtarët e futbollit janë takuar me trajnerët për të shpjeguar ndryshimet në rregulloren e sezonit 2023- 2024.

NJË MINUTË SHTESË PËR ÇDO GOL – “Kohës shtesë do t’i shtohet minimumi një minutë. Nëse kontrolli i golave nga VAR-i zgjat dy ose tre minuta, atëherë do të jenë dy ose tre minuta të tjera. Por nëse VAR-i nuk duhet të presë për konfirmimin e golit, ajo që do të shtohet në fund të çdo periode është një minutë për secilin nga golat e shënuar”, theksoi Klos Gomez. Një vendim i marrë sepse një studim i kryer tregon se kjo është koha mesatare që humbet në festimin e golave, ndaj ky do të jetë një kriter më shumë për t’u zbatuar kur shtohet koha në çdo pjesë. Ndeshjet me 100 minuta do të jenë realitet.

NUK KA PENALLTI “SOFT” – Deri më tani në La Liga janë akorduar shumë penallti nga ato që konsiderohen si të lehta (“soft”). Por në sezonin e ri kjo do të ndryshojë. Gjyqtarët janë udhëzuar që do të akordohen vetëm ato penallti ku kontakti është evident.

MË PAK VAR MË SHUMË “GJYQTARË” – “Kur VAR-i ndërhyn shumë, diçka ndodh”, tha Medina Kantaleho, i cili mbrojti që “gjyqtarët kanë një kapacitet më të madh për të marrë vendime”. Në të njëjtën mënyrë, Klos Gomez u tregua më i hapur: “Ne kemi nevojë për më pak ndërhyrje VAR-i, dhe jo sepse VAR-i duhet të ulë nivelin e ndërhyrjes. Ne duhet të vendosim drejtësi në fund të lojës, por kërkojmë që gjyqtarët të marrin vendime të sakta dhe të shihet rëndësia e drejtuesit të ekipit të arbitrazhit”.