web counter
LEXO PA REKLAMA!

SHKARKO APP

App Store
Google Play

E fundit!

x

Në Francë janë të sigurt/ Rabio i jep lamtumirën Juves për një klub anglez

15 Maj 2023, 18:27, Sport CNA

Adrien Rabio është gjithnjë e më larg Juventusit. Mesfushori francez është kthyer në nivelet e tij më të mira dhe në këtë sezon po e tregon qartësisht. Por pikërisht në momentin më të mirë, përfundon edhe marrëveshja që kishte nënshkruar me bardhezinjtë. Mungesa në Ligën e Kampioneve në rast dënimi, pritet të mbyllë çdo diskutim rinovimi dhe tashmë në Francë duket se kanë gjetur kush do të jetë klubi i tij i ardhshëm.

“L’Equipe” bën të qartë se futbollisti është gati t’i thotë po ofertës së Mançester Junajtid, ku Erik ten Hag e ka piketuar me kohë si përforcim për mesfushën. I njëjti burim ka bërë të qartë se tekniku dhe mamaja e futbollistit, Veronik, e cila është njëkohësisht menaxhere e tij, janë takuar disa herë në javët e kaluara.

Ten Hag ka kontaktuar edhe në mënyrë të drejtpërdrejtë me lojtarin ndërsa ka dashur të rilidhë kontaktet me Veronik, pasi ishte tërhequr në mënyrë të papritur nga gara për lojtarin në verë duke preferuar Kasemiron.

Tani, pa detyrimin për t’i paguar diçka Juventusit, pritet që Junajtid t’i garantojë atij një rrogë shumë më të lartë se sa ajo që përfiton në Torino, duke i dhënë mundësinë Rabio që të tregojë veten në një kampionat më konkurrues dhe pjesë e një projekti të rëndësishëm që ka si objektiv dominimin jo vetëm në Angli.





Lajmet e fundit nga