web counter
LEXO PA REKLAMA!

SHKARKO APP

App Store
Google Play

Ndryshime nga porta në sulm, si pritet të rreshtohet Shqipëria

20 Nëntor 2023, 12:02, Sport CNA

Mbrëmja e sotme, ku Shqipëria përballet me Ishujt Faroe, do të jetë një shans i mirë për shumë futbollistë, të cilët nuk kanë mundur të kalojnë shumë kohë në tapetin e blertë si protagonistë gjatë eliminatoreve “Gjermani 2024”. Me shumë mundësi Silvinjo do të provojë lojtarë të rinj, edhe pse siç e theksoi në konferencën e djeshme për shtyp kërkon medoemos vendin e parë në grup.

Në portë do të luajë Strakosha, ndërsa përpara tij do të operojnë tre nga katër “titullarët” fiks. Mitaj, Gjimshiti dhe Ismajli do të bashkëpunojnë kësaj radhe me Balliun, i cili i merr vendin Hysajt.

Në mesfushë, Ramadani duket i paprekshëm i cili në këto kualifikuese i ka minutat e plota duke qenë i vetmi që e ka nisur gjithmonë titullar dhe nuk është zëvendësuar asnjëherë. Krah mesfushorit të Leçes pritet të jetë Keidi Bare.

Në 11-shen titullare mund të rikthehet Myrto Uzuni, i cili do të vendoset në krahun e majtë të sulmit. Titullar në këtë sfidë pritet të jetë dhe Muçi, që do të vendoset pas Dakut, me këtë të fundit që zë vendin e Sokol Çikalleshit. Ndëra në krahun e djathtë të sulmit, Silvinjo mendohet t’i besojë përsëri Jasir Asanit dhe të majtës së tij vrastare.

FORMACIONI I MUNDSHËM: Strakosha, Balliu, Ismajli, Gjimshiti, Mitaj, Ramadani, Bare, Muçi, Uzuni, Asani, Daku. 





Lajmet e fundit nga