web counter
LEXO PA REKLAMA!

SHKARKO APP

App Store
Google Play

E fundit!

x

Ndeshja me Moldavinë, Rama “porosi” kombëtares: I dini detyrat tuaja

14 Nëntor 2023, 16:53, Sport CNA
Ndeshja me Moldavinë, Rama “porosi” kombëtares: I dini
Edi Rama takim me ekipin e kombëtares pak para ndeshjes me Moldavinë

Në prag të ndeshjes së Kombëtares shqiptare me Moldavinë, ekipi i futbollistëve është vizituar nga kryeministri Edi Rama. Në takimin me ta kryeministri i tha futbollistëve se deri më tani ata e kanë nderuar fanellën që mbajnë veshur, ndërsa shprehu bindjen se do të vazhdojnë të dhurojnë kënaqësi e emocione.

"Të them të drejtën, që kur ju kam parë juve në fillim, i thashë që mbaje mend që kjo punë ka për të shkuar mirë, sepse këta luajnë futboll. E them këtë në kuptimin që mbajmë topin. Kemi bërë edhe disa fitore më parë, por top nuk kemi mbajtur me thënë të drejtën. Tani jeni përzier mirë, disa me eksperiencë, disa të rinj, kështu që unë erdha vetëm që t’ju shoh, t’ju uroj sukses. Unë shpresoj shumë të shkojë mirë. Detyrat e juaja ju i dini vetë, nuk ka nevojë t’ua tregoj unë e t’ju flas unë. Ju e keni nderuar këtë fanellë deri tani, e keni rrit shumë stekën dhe pritshmëritë”, u shpreh Rama në bisedën me futbollistët dhe stafin e Kombëtares.

Ndërkohë Presidenti i Federatës Kombëtare të Futbollit, Armand Duka, tha se skuadra jonë duhet ta shohë duelin me Moldavinë si finale dhe të mos bëjë llogari për të marrë një pike. uk duhet të shkojmë në Moldavi në asnjë mënyrë për të menduar që na duhet një pikë ose për të bërë llogari, por duhet të shkojmë si në të gjitha ndeshjet e tjera.

Jeni vërtetë më të mirë, por atë duhet ta tregoni në fushë. Nuk dua të zgjatem shumë. Dua ta falënderoj edhe një herë kryeministrin që është sot me ne. Duhet të përqendrohemi te Moldavia. Asnjëherë mos mendoni se kemi dy ndeshje. Misteri thotë që kemi dy finale, ju mendoni për nje finale: Moldavia”- tha Duka.

Ndeshja kualifikuese e grupit E, për “Euro 2024” mes Shqipërisë e Moldavisë, do të zhvillohet në 17 nëntor në Moldavi./CNA

 





Lajmet e fundit nga