E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

“Na mungon një Skela, portieri nuk ishte në nivelin e të tjerëve”, Muça: Silvinjos i duhet dhënë kohë

28 Mars 2023, 18:37, Sport CNA

Shqipëria nuk e nisi me këmbën e mbarë fushatën e kualifikueseve të Euro 2024, pasi u mposht nga Polonia me rezultatin 1-0. Trajneri i njohur, Shkëlqim Muça dha një intervistë për News 24, ku u shpreh optimist për grupin e drejtuar nga Silvinjo. Muça u shpreh se gjithashtu kemi nevojë për një lojtar si Ervin Skela që të lidhë mesfushën me sulmin.

"Ne presim kohën. Kjo historia e vjetër që luajmë mirë dhe nuk marrim pikë duhet të marrë fund. Ardhja e Silvinjos ka krijuar një klimë tjetër. Unë mendoj që ekipi paraqiti një dëshirë të madhe për fitore. Ne pamë një ndeshje të mirë, polakët nuk na dominuan, fatkeqësisht sulmet tona janë spontane. Ne kemi nevojë për një lojtar të tipit Skela, pra që lidh mesin e fushës me sulmin. I mbetet Silvinjos që të bëjë një zgjidhje të situatës.

Është një trajner që ka një mentalitet sulmues. Duket që nga mënyra si e ka vendos ekipin. Duhet të njohë më mirë cilësitë e lojtarëve për t’u marrë më të mirën. Duke njohur më mirë lojtarët, do e përmirësojë edhe mënyrën e lojës. Në aspektin sulmues duhet të kishim pjesëmarrje më të madhe. Portieri nuk ishte në nivelin e gjithë lojtarëve të tjerë, kjo për faktin se ka luajtur pak.

Gjithë luajtën mirë, edhe Mihaj bëri mirë. Lojtarët tanë sulmues i vunë në vështirësi kundërshtarët. Edhe Uzuni, Asani e Cikalleshi bënë mirë. Silvinjo ka bërë atë që mund të bëhet për 6 ditë. Ndërtoi një skuadër që luan me zemër, u mundua me kundërsulm t’i kapte në befasi.

Ne duhet të mbajmë objektivin e qartë për kualifikimin. Kemi dy ekipe që nuk duhen nënvlerësuar si Moldavia dhe Ishujt Faraoe. Objektivi jonë është shumë i rëndësishëm. Duhet të kesh ecuri gjatë gjithë edicionit. Janë ndeshje të vështirë. Pavarësisht nëse kualifikohemi apo jo, trajnerit Silvinjo duhet t’i japim kohë. Duhet të ndërtojmë një skuadër të fortë, pse jo të shkojmë edhe në Botëror. Silvinjo ka kohë për t’i njohur.", u shpreh Muça.