E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Moxhi duket i sigurt: Juventusit mund t’ia heqin penalizimin

1 Mars 2023, 16:57, Sport CNA

Luçiano Moxhi ka bindjen se Juventusi mund të ketë përsëri mbrapsht pikët që i kanë hequr në renditje, pasi penalizimi për plusvalencat nuk ka rregulla të qarta.

Duke folur për “Radio BiancoNera”, ai ka theksuar se gjithsesi ekipi duhet të shtyjë përpara pasi nuk ka asnjë siguri për të ardhmen, e cila sipas drejtuesit është shumë e zymtë.

“Dje Juventusi ishte inferior ndaj Torinos në pjesën e parë dhe superior në pjesën e dytë, pasi Alegri kishte burime të tjera, ndryshe nga Juriç. Duhet të jemi të lumtur për fitoren, por të qëndrojmë me këmbët në tokë, të luajmë ndeshje pas ndeshje dhe të shohim të ardhmen që është më e keqe sesa e tashmja. Tani duhet të shkojmë në Romë që është një fushë e ndezur, nuk është as ajo e derbit dhe as ajo e Nantës, duhen përveshur mëngët pasi në ndeshje si e ardhshmja gjykohet rrugëtimi.

Fitoret radhazi të japin vetëbesim, shpresoj që të vazhdojmë në këtë rrugë për të arritur të paktën deri në Ligën e Europës, pastaj të shohim se çfarë ndodh me pikët e penalizimit. Ato 50 pikë për të cilat flet Alegri për momentin janë hipotetike, duhet të shohim realitetin që është gjëja më e rëndësishme dhe të ecim përpara në mënyrën më pozitive të mundshme. Kemi sigurinë se nëse tanët do të japin maksimumin, kemi një nga përbërjet më të mira. Di Maria i mbështetur nga Pogba është diçka që përmirëson mesfushën në mënyrë të ndjeshme dhe mund të përfitojë edhe Vlahoviç i cili dje m’u duk edhe një herë nervoz.

Apelimi? Mendoj se plusvalencat duhet të pranohen. Juventusi nuk duhet t’i bëjë se është e kuotuar në bursë, por kjo nuk përbën problem për drejtësinë sportive por për autoritetet financiare të cilat kanë bërë gjënë e duhur duke lajmëruar prokurorinë. Nga pikëpamja sportive mendoj se këto pikë penalizimi mund të hiqen. Sa i përket çështjes së rrogave, nuk mund të shprehem pasi nuk di asgjë rreth tyre”, tha Moxhi.