E fundit!

12:23 Aktualitet

Përshkallëzohen tensionet në protestë/ Forcat e FNSH-së mbërrijnë para Kuvendit

Ka tensione dhe përplasje mes qytetarëve dhe forcave të po...

Modernizimi i futbollit, presidenti Duka vizitë në Tetovë: Të ndërtojmë partneritete

1 Dhjetor 2025, 12:04, Sport CNA

Modernizimi i futbollit, presidenti Duka vizitë në Tetovë:

Futbolli modern po ndryshon me shpejtësi, nga organizimi i klubeve, tek infrastruktura dhe mënyrat si fuqizohen talentet e reja. Pikërisht me këtë vizion zhvillimi, presidenti i FSHF-së dhe zëvendëspresidenti i UEFA-s, Armand Duka, vizitoi Tetovën për të ndërtuar ura të reja bashkëpunimi që synojnë një nivel të ri profesionalizmi në futbollin e rajonit.

Presidenti Duka u prit nga kryetari i Komunës Tetovë, Bilall Kasami, ndërsa në takim morën pjesë edhe drejtori Administrativ i FSHF-së, Aldi Topçiu, si dhe presidenti i Federatës së Futbollit të Maqedonisë së Veriut, Masar Omeragic, dhe presidenti i FC Shkëndija, Lazim Destani.

Gjatë vizitës, presidenti Duka bëri edhe një vizitë te punimet për ndërtimin e stadiumit të ri në Tetovë, një projekt kyç që synon të përmirësojë infrastrukturën sportive dhe të ofrojë kushte moderne për futbollin në këtë rajon.

Në takim u diskutua gjithashtu mbi forcimin e futbollit të të rinjve, zhvillimin e infrastrukturës me standarde moderne, ngritjen profesionale të klubeve dhe akademive përmes trajnimeve të specializuara, si dhe nxitjen e iniciativave të përbashkëta që do të mundësojnë projekte ndërkombëtare dhe mbështetje institucionale në nivel rajonal.

Qëllimi është i qartë: të krijohet një ekosistem futbolli që prodhon talente, rrit cilësinë dhe gjeneron më shumë mundësi zhvillimi ekonomik dhe social për komunitetet.

“Rajoni ka potencial të madh sportiv dhe ambicie për të ecur më përpara. Detyra jonë është të ndërtojmë partneritete që e kthejnë këtë potencial në rezultate konkrete,” – u shpreh Presidenti Duka, duke theksuar se pozicioni i tij në UEFA hap mundësi të reja bashkëpunimi dhe mbështetjeje për iniciativat e këtij niveli.

Takimi konfirmoi vullnetin për hapa të përbashkët konkretë, të cilët synojnë të sjellin një standard të ri organizimi dhe inovacioni në futboll në rajon.