web counter
LEXO PA REKLAMA!

SHKARKO APP

App Store
Google Play

Mbi 1500 ndeshje të zhvilluara, Federer njofton tërheqjen nga tenisi

15 Shtator 2022, 16:23, Sport CNA

Roger Federer ka njoftuar se do të tërhiqet nga sporti, pas turneut Laver Cup. Zvicerani ka bërë të ditur se do të pensionohet dhe nuk do të garojë në Grand Slam.

Ka qenë vetë Federer, që nëpërmjet një videoje, bën të ditur largimin nga sporti i tenisit. Gjatë karrierës së tij, 41-vjeçari ka fituar 20 Grand Slam.

"Padyshim dhurata më e madhe që më ka dhënë tenisi është njerëzit të cilët kam njohur përgjatë këtij rrugëtimi; Shokët, bashkëpunëtorët dhe patjetër tifozët.

Siç e dini, tri vitet e fundit kanë qenë tejet sfiduese prej problemeve fizike, të cilët më kanë detyruar edhe të operohem. Kam punuar shumë që të rikthehesha konkurrues, por i njoh mirë limitet e trupit tim.

Dhe, mesazhet kanë qenë të qarta. Tashmë jam 41 vjeç dhe kam luajtur më shumë se 1500 ndeshje përgjatë 24 viteve. Tenisi më ka trajtuar shumë herë më mirë seç e kam menduar ndonjëherë dhe tashmë duhet ta kuptoj se ka ardhur koha për t’i dhënë fund karrierës. Laver Cup javën e ardhshme në Londër do të jetë impenjimi i fundit. Sigurisht, do të luaj tenis, por jo në turne Grand Slam", tha Federer në fjalën e tij.





Lajmet e fundit nga