web counter
LEXO PA REKLAMA!

SHKARKO APP

App Store
Google Play

E fundit!

x

Lojtarët e Marokut janë mirëpritur si heronj, miliona njerëz në rrugë

21 Dhjetor 2022, 08:11, Sport CNA

Lojtarët e Kombëtare së Marokut u pritën si heronj në vendin e tyre pasi u bënë skuadra e parë afrikane që luan në gjysmëfinale në Kupën e Botës në Katar.

Një numër i madh marokenësh dolën në rrugë dhe përshëndetën lojtarët e tyre që luajtën një Botëror të madh në Katar dhe videot e fotot që u shfaqën në internet tregojnë se atmosfera mes njerëzve është e mrekullueshme.

Maroku, ju kujtojmë, bëri një rezultat të madh fillimisht duke kaluar në grup ku luajti me Belgjikën, Kroacinë dhe Kanadanë dhe në fund bashkë me kroatët kaluan tutje, dhe më pas u ndesh në ndeshjen për vendin e tretë.

Në rrugën e tyre për në gjysmëfinale, ata arritën të eliminonin fillimisht Spanjën, që në vetvete ishte një sukses i madh, për të konfirmuar historinë e paharrueshme të kampionatit me fitoren 1-0 ndaj Portugalisë në çerekfinale.

Megjithatë, ata pësuan një disfatë ndaj Francës në gjysmëfinale, edhe pse bënë një lojë të shkëlqyer dhe po të kishte fat sportiv, mund të kishin arritur një rezultat shumë më të favorshëm.

Në fund, në ndeshjen e përmendur për vendin e tretë, ata humbën nga Kroacia me rezultat 2-1, por edhe vendi i katërt do të thotë shumë për këtë vend dhe njerëzit në rrugë treguan respekt të madh për lojtarët.





Lajmet e fundit nga