E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

LIVE TIRANA-PARTIZANI/ Starton pjesa e dytë, çfarë ndodh në "Air Albania"

21 Dhjetor 2022, 21:11, Sport CNA

LIVE TIRANA-PARTIZANI/ Starton pjesa e dytë, çfarë ndodh

Tirana dhe Partizani përballen sot në kryeqytet në një ndeshje të ethshme e cila vendos për kreun e renditjes së Superiores në fund të vitit 2022.

Bardheblutë ndjekin në renditje dhe do të kërkojnë me çdo kusht që të rimarrin vendin e parë. Por ata nuk janë në formën më të mirë pasi duhet të improvizojnë me mungesa të rëndësishme në prapavijë. Kështu, trajneri Shehi ka vendosur të improvizojë me kthimin përsëri të Aleksit mbrapa, teksa konfirmon një rreshtim shumë ofensiv përpara me Kallakun e Limajn në mbështetje të Hasanit, Xhixhës e Patrik.

Kurse te Partizani, janë Hoti, Cara dhe Skuka përpara nga minuta e parë, teksa ka nëj lëvizje të rëndësishme në rreshtimin e të kuqve. Alban Hoxha kthehet përsëri titullar në radhët e të kuqve pikërisht në derbi, pasi kishte humbur vendin e tij ndaj Rexhepit.

LIVE TIRANA-PARTIZANI 0-1

4′ Skuka

KOMENTI LIVE:

90′ Jepen 8 minuta shtesë.

88’ Një top i rrezikshëm harkohet nga e djathta nga Deliu, sfera e devijuar nga mbrojtja e të kuqve nuk arrihet në shtyllën e dytë nga Xhixha i cili shpërdoron mundësinë për të shtyrë sferën në rrjetë.

80’ Cara driblon në zonë, sheh dy gjuajtje radhazi t’i bllokohen, pastaj është Skuka i cili gjuan e gjen përsëri bllokimin e një lojtari. Në fund është Mensah i cili çon topin jashtë nga e djathta.

79’ Gjuajtje e shkëlqyer e Carës, por po aq e bukur është edhe pritja e Bekajt.

77’ Maget merr vendin e Hotit në fushën e lojës për Partizanin. Nikqi ndërkohë merr vendin e Patrik.

74’ Harkimi në zonë gjen përsëri Xhixhën por ky i fundit nuk arrin të kthejë topin me kokë drejt portës së Hoxhës.

73’ Gjuajtje e fortë e Xhixhës nga e majta, topi devijohet nga Bitri në këndore.

70’ Harkim i Hasanit nga e djathta, topi shkon në shtyllën e dytë ku Hadroj largon në këndore, për të shmangur një gjuajtje të Xhixhës pas shpinës së tij.

67’ I sapofuturi në lojë ndëshkohet me karton të verdhë pas pak sekondash për një faull ndaj Lulajt.

66’ Rrapaj i lë vendin në fushë Mensah në radhët e të kuqve.

59’ Një pasim nga e djathta kthehet në asist për Ismajlgecin në qendër, por Hadroj devijon në momentin e duhur duke larguar topin nga zona e rrezikut.

59’ Xhixha nga e majta gjen hapësirën për të nisur një pasim te Patrik i cili gjuan me një kthesë të shpejtë, por topi kalon mbi traversë.

55’ Cara godet traversën. Sulmuesi shmang Najdovskin dhe lëshon një gjuajtje të fortë me traversën e cila shpëton Bekajn.

53’ Atanaskoski nga e majta merr fundoren dhe harkon në kufijtë e zonës për Muratajn i cili mundohet të gjuajë fluturimthi, por fluturon topin shumë lart.

Ora 21:24 – Vendoset të rifillojë ndeshja me Hamitin i cili shkon në qendër dhe i bën shenjë futbollistëve që me pastrimin e pamjes do të mund të luhet përsëri.

Ora 21:20 –Ndeshja vazhdon të jetë e pezulluar, edhe pse lojtarët po kryejnë nxemje mbi terrenin e lojës, pasi një re e madhe tymi është mbi stadium për shkak të fishekzjarrëve të shumtë.

Ora 21:13 – Gjyqtari ka kthyer lojtarët në fushën e lojës dhe i fton të komunikojnë me tifozët e tyre, pasi ndeshja nuk mund të vazhdojë në këto kushte.

47’ Ndërpritet ndeshja për disa çaste pasi hidhen fishekzjarrë nga të dy krahët.

46’ Pjesa e dytë e ndeshjes nisme zëvendësim te Partizani, pasi Atanaskoski merr vendin e Buxhelajt.

Starton pjesa e dytë!

45’+2’ Mbyllet pjesa e parë me avantazhin e Partizanit.

45’+1’ Një top në zonë shkon drejt Najdovskit dhe ai rrëzohet, por gjyqtari bën shenjë që nuk ka asgjë për të sinjalizuar një penallti.

45’ Jepet 1 minutë shtesë.

44’ Patrik nga e majta pason në qendër, por nuk gjen askënd. Sfera shkon në anën tjetër ku topi kthehet te Hasani, por gjuajtja e këtij të fundit është e lehtë dhe nuk shqetëson shumë Hoxhën.

42’ Kallaku lëshon një gjuajtje të fortë nga jashtë zonës, por sfera kalon përsëri mbi portë.

41’ Sota ndëshkohet me karton të verdhë pas një ndalimi në mënyrë të parregullt të Patrik.

40’ Goditje këndi për Partizanin, Bitri me kokë tenton portën por nuk gjen katërkëndorin.

36’ Disa herë ka topa në thellësi për Skukën i cili tenton nga çdo pozicion të gjuajë në portë.

31’ Goditje dënimi e Kallakut nga e majta, topi kalon mbi traversën e portës së Hoxhës.

28’ Gjuajtje e Skukës me të majtën pas një rrotullimi jashtë zonës, Bekaj pret pa probleme.

25’ Vazhdon qarkullimi i topit i Partizanit, që përpiqet të gjejë gjithmonë Skukën për finalizimin e aksioneve.

21’ Skuka shfaqet përsëri në krahun e majtë, por Lulaj është i pakalueshëm dhe bllokon sulmuesin i cili po futej në zonë.

21’ Xhixha gjuan me forcë, topi devijohet dhe shkon në duart e Hoxhës.

20’ Tirana tenton të hyjë në zonë me harkime radhazi nga krahu i majtë, por Bitri largon dy herë nga zona.

18’ Kundërsulm i shpejtë i Partizanit, me Carën i cili është i vetëm në të majtë, por topi i tij drejt Skukës që ishte i vetëm para Bekajt ndalet nga Lulaj.

15’ Deliu kthehet në mbrojtës të krahut të djathtë, me Lulajn i cili zhvendoset në qendër të mbrojtjes dhe Aleksin që kalon në mesfushë.

13’ Aksion spektakolar i Xhixhës nga e majta ku kalon me shpejtësi dy kundërshtarë, pas një kontakti me Muratajn ai rrëzohet dhe fiton një goditje dënimi në një pozicion të favorshëm.

9’ Hoti fiton topin para zonës dhe pason për Rrapajn i cili lëshon një predhë drejt portës, por gjen përgjigjen e Bekajt.

4’ GOOOL PARTIZANI! Shënon Skuak golin e avantazhit për të kuqtë. Harkim i Buxhelajt nga e majta, Aleksi nuk largon siç duhet topin dhe Skuka godet me forcë në shtyllën e dytë duke çuar topin në rrjetë.

1’ Rrapaj shfaqet menjëherë para zonës së Tiranës, gjuajtja e tij devijohet në këndore.

1’ Shkelmohet topi i parë nga Tirana.