web counter
LEXO PA REKLAMA!

SHKARKO APP

App Store
Google Play

Lautaro: Të mos ndalemi, gati të fitojmë të tjerë trofe me Inter-in

13 Shtator 2024, 08:53, Sport CNA
Lautaro: Të mos ndalemi, gati të fitojmë të tjerë trofe
Lautaro Martinez, Inter

Nëse ka një protagonist që me të vërtetë luan me zemër me Inter-in ai është padyshim, Lautaro Martinez.

Argjentinasi ishte vendimtar në triumfin e “zikaltërve” sezonin e shkuar, duke bërë që të vendosnin yllin e dytë në fanellë.

Në një prononcim të bërë së fundmi për mediet, sulmuesi u shpreh se sezoni 2023-2024 do të mbetet gjithmonë një kujtim i veçantë për të.

"Ky yll i dytë do të mbetet brenda meje përgjithmonë, si dhe te shokët e skuadrës, është vërtetë shumë i veçantë. Në nivel klubesh është emocioni më i madh i jetës sime, ndërsa në karrierën si futbollist sigurisht që vendin e parë e mban Kupa e Botës me Argjentinën. Ishte një ëndërr fëmijërie, por që në fund u bë realitet”, - u shpreh ai.

Më tej, duke folur për objektivat e sezonit të ri, Lautaro thekson se tek Inter-i nuk duhet të ndalen dhe se duhet të vazhdojnë rrugëtimin e fitoreve të trofeve.

“Është e drejtë të festosh të shkuarën, po aq e drejtë është të shikosh nga e ardhmja. Nuk duhet të ndalemi, të vazhdojmë të fitojmë të tjerë trofe dhe ta çojmë Inter-in sa më lart që të jetë e mundur”, - vijoi ai.

Inter-i e ka nisur mirë sezonin e ri të Serisë A, ndërsa pas tri javëve mban kreun e renditjes me shtatë pikë./CNA





Lajmet e fundit nga