web counter
LEXO PA REKLAMA!

SHKARKO APP

App Store
Google Play

Humbja ndaj Gjeorgjisë, Silvinjo: Ishte ndeshje kurth, jam i mërzitur me veten

12 Shtator 2024, 11:11, Sport CNA

Humbja ndaj Gjeorgjisë, Silvinjo: Ishte ndeshje kurth, jam i mërzitur

Trajneri Silvinjo mendon se ndeshja e Shqipërisë ndaj Gjeorgjisë duhet të ishte mbyllur në barazim.

Në një intervistë të dhënë për emisionin “Opinion” të gazetarit Blendi Fevziu, trajneri i Kombëtares u shpreh se për mënyrën si shkoi loja duhej të mbyllej në barazim, ndërsa shtoi se ishte një ndeshje shumë e vështirë.

“Stadiumi ishte plot dhe pritshmëritë tona ishin mjaft të mira për të fituar, mbase edhe për të barazuar. Është humbja e parë pas një viti e gjysmë… është madje dhe goli i parë që kemi pësuar në stadiumin 'Air Albania' dhe më vjen keq për këtë, por në futboll ndodh gjithcka… gjithsesi futbollistët dhanë maksimumin. Ishte një ndeshje shumë e vështirë dhe këtë e deklarova edhe në konferencën e shtypit pas ndeshjes.

Të gjitha skuadrat e grupit janë të forta, por Gjeorgjia është një skuadër fizikisht e fortë dhe e rreshtuar mirë nga pikëpamja taktike, një skuadër ku depërtojnë të gjithë dhe bëhet e vështirë, nuk i japin thuajse fare hapësirë skuadrës kundërshtare. Po, ishte e vështirë, edhe ndeshja… sipas meje duhej të ishte një barazim, por nuk ndodhi.  Ajo ishte një ndeshje që duhet të përfundonte barazim… Ishte një lloj ndeshje kurth, ecnin, hidheshin në kundërsulm, ata tri ditë më parë kishin fituar ndeshjen kundër Çekisë 4 me 1… Jo, jam i mërzitur me veten time, ka dhe humbje, por gjithsesi e kaloj, pas dy ditësh jam më i qetë, nuk kam çfarë të them për lojtarët, ata dhanë gjithçka aty në stadium”, deklaroi tekniku kuqezi.





Lajmet e fundit nga