web counter
LEXO PA REKLAMA!

SHKARKO APP

App Store
Google Play

Ronaldo-s nuk i del inati me Ten Hag: Nuk mund të rindërtosh një ekip pa e njohur atë

11 Shtator 2024, 16:35, Sport CNA
Ronaldo-s nuk i del inati me Ten Hag: Nuk mund të rindërtosh një
Cristiano Ronaldo

Cristiano Ronaldo nuk është nga ata persona që u kalon lehtësisht inati dhe këtë gjë e ka treguar sërish.

Ish-sulmuesi i Manchester United ka kritikuar trajnerin e “Djajve të Kuq”, i cili u bë shkak që CR7 të largohej nga “Old Trafford”.

Në një intervistë të dhënë së fundmi për mediet britanike, Ronaldo e kritikoi teknikun holandez për deklaratat e këtij në fundit në lidhje me objektivat e United.

"Nëse je trajner i Manchester United, nuk mund të thuash se nuk do të luftosh për Premier League ose Champions League. Duhet të thuash diçka si: 'ndoshta ne nuk e kemi potencialin, por ne do të përpiqemi'”,-u shpreh Ronaldo.

Më pas, 39-vjeçari i bëri një analizë situatës te skuadra e “Djajve të Kuq”, teksa shtoi se i duhet kohë që të ringrihet.

"Manchester United ka nevojë për kohë sepse është një nga klubet më të mira në botë, por duhet të përmirësohet. Ata kanë filluar të ndryshojnë në gjithçka, strukturën klubit, infrastrukturën dhe gjithçka. Unë jam i kënaqur, sepse gjërat po ndryshojnë, ndonjëherë ne nuk mund të kontrollojmë disa aspekte të jetës sonë, por ajo që është bërë është bërë”,-përfundoi sulmuesi.

Ronaldo u largua nga Manchester United në fundin e vitit 2022 pas një sërë përplasjesh me trajnerin Erik ten Hag./ CNA





Lajmet e fundit nga