web counter
LEXO PA REKLAMA!

SHKARKO APP

App Store
Google Play

Zyrtare/ Pochettino ndryshon kontinent, trajneri argjentinas merr drejtimin e SHBA-së

11 Shtator 2024, 12:32, Sport CNA
Zyrtare/ Pochettino ndryshon kontinent, trajneri argjentinas merr drejtimin e
Mauricio Pochettino, Burimi: Sky Sports

Mauricio Pochettino është zyrtarisht trajneri i ri i kombëtares së meshkujve të Shteteve të Bashkuara të Amerikës.

Këtë lajm e bëri publik Federata e Futbollit të SHBA-së, ndërsa ndër të tjera bën me dije se 52-vjeçari ka firmosur një kontratë 2-vjeçare, me synimin që ta çojë këtë ekip drejt Kupës së Botës 2026, në të cilën Shtetet e Bashkuara janë bashkëpritëse me Kanadanë dhe Meksikën.

“Mauricio Pochettino do të jetë trajneri i SHBA-së për dy vitet e ardhshme, me synimin për ta çuar skuadrën drejt Botërorit 2026”, - bën me dije federata amerikane.

Pochettino pason Gregg Berhalter, i cili u shkarkua pas paraqitjes së dobët të SHBA-së në Copa America të kësaj vere.

Duke folur përmes rrjeteve sociale pas këtij zyrtarizimi, Pochettino u shpreh:

“Vendimi për t'u bashkuar me futbollin amerikan për mua ka të bëjë me rrugëtimin që po kalon ky ekip dhe ky vend. Energjia, pasioni dhe uria për të arritur diçka vërtet historike këtu, këto janë gjërat që më frymëzuan. Mundësia për të udhëhequr ekipin kombëtar të meshkujve të SHBA-së, para tifozëve që janë po aq të pasionuar sa lojtarët, është diçka që nuk mund ta humbisja. Unë shoh një grup lojtarësh plot talent dhe potencial, dhe së bashku, ne do të ndërtojmë diçka të veçantë për të cilën i gjithë kombi mund të jetë krenar”, - deklaroi trajneri argjentinas.

Pochettino do të prezantohet përpara medieve të premten në New York./ CNA

 





Lajmet e fundit nga