web counter
LEXO PA REKLAMA!

SHKARKO APP

App Store
Google Play

Kolumbia "hakmerret" ndaj Argjentinës, zhgënjen Brazili

11 Shtator 2024, 11:12, Sport CNA

Kolumbia "hakmerret" ndaj Argjentinës, zhgënjen Brazili

Kolumbia bëri hakmarrjen ndaj Argjentinës, pas humbjes në finalen e Kupës së Amerikës.

Kombëtarja kolumbiane triumfoi me rezultatin 2-1, ndaj kampionëve të botës, në ndeshjen kualifikuese për Botërorin.

Një përballje e bukur dhe spektakolare, e cila nisi me raste nga të dyja skuadrat. Pjesa e parë u mbyll me avantazhin minimal të Kolumbisë. Vendasit iu falën një goli të shënuar nga Mosquera në minutën e 25-të, me kokë.

Fraksioni i dytë i lojës, nisi me Argjentinën në sulm dhe Nico Gonzalez barazoi shifrat në minutën e 48-të.

Megjithatë kolumbianët nuk u dorëzuan dhe rikthyen avantazhin në minutën e 60-të, me James Rodrigez që shënoi me penallti.

Kolumbia i shkakton kështu Argjentinës humbjen e parë për vitin 2024 dhe ngjitet në vendin e dytë me 16 pikë, 2 më pak se kombëtarja e Scalonit, që kryeson.

Zhgënjim total nga Brazili, që u mposht minimalisht nga Paraguai në transfertë. Vendasit ia dolën të triumfojnë, falë një goli të shënuar nga Gomez në minutën e 20-të.

Kombëtarja "seleçaos", vazhdon momentin e vështirë, pasi mban vendin e pestë me 10 pikë, me katër humbje dhe një fitore në pesë ndeshjet e fundit.

Uruguai nuk shkoi më shumë se barazimi pa gola në transfertë ndaj Venezuelës. Ndeshje me raste të shumta për shënim, por asnjëra nga skuadrat nuk e gjeti rrugën e rrjetës.





Lajmet e fundit nga