web counter
LEXO PA REKLAMA!

SHKARKO APP

App Store
Google Play

E fundit!

x

Laçi bën goditjen e madhe në merkato, merr futbollistin e kombëtares polake

26 Korrik 2022, 08:33, Sport CNA

Laçi bën goditjen e madhe në merkato, merr futbollistin e

Klubi i Laçit vazhdon të bëjë ndërhyrje të rëndësishme në merkato, për të përforcuar radhët e tij me emra që mund të ndihmojnë këtë skuadër të vazhdojë të konfirmohet në kampionatin shqiptar edhe në Europë.

Në klubin kurbinas kanë bërë disa lëvizje dhe më e fundit është afrimi i një futbollisti të përfaqësues së Polonisë për të përforcuar mesfushën. “Panorama Sport” shkruan se sot ka zbarkuar në Shqipëri Ariel Borisyuk, mesfushori 30-vjeçar polak, i cili pritet jetë një nga emrat e rëndësishëm të kësaj skuadre në sezonin në vijim.

Ai është një lojtar me shumë eksperiencë pasi ka luajtur në skuadrat kryesore në kampionatin polak si Legia, Jagellonia e Lekia Gdansk, pa harruar këtu eksperienca te Kaizerslautern në Gjermani, QPR në Angli e Sherif Tiraspol në Moldavi.

Futbollisti i cili luan si mesfushor me tipare mbrojtëse, ka qenë pjesë e përfaqësueseve të moshave të Polonisë, ndërsa ka luajtur 12 ndeshje me kombëtaren A të saj.

Kjo është një lëvizje e rëndësishme për Laçin që tregon kësisoj se po përforcohet për të bërë realitet ëndrrën e titullit kampion, të cilit i ka shkuar shumë afër në dy vitet e fundit.





Lajmet e fundit nga