web counter
LEXO PA REKLAMA!

SHKARKO APP

App Store
Google Play

E fundit!

x

Klubi i Superiores godet në merkato, firmos mbrojtësi nga Superliga e Turqisë

30 Gusht 2023, 11:30, Sport CNA

Një përforcim në mbrojtje mund të mbyllë merkaton e verës për Dinamo City. Blutë e nisën kampionatin me humbje në derbin me Tiranën, por skuadra deri diku funksionoi mirë dhe i kishte të gjitha mundësitë për të marrë rezultat pozitiv.

Para se të bjerë gongu i mbylljes së merkatos, klubi kryeqytetas mund të federojë edhe mbrojtësin Amar Gërxhaliu. “Panorama Sport” zbulon ekskluzivisht se palët janë shumë afër akordit dhe këto ditë lojtari kosovar mund të bashkohet zyrtarisht me Dinamo City.

Qendërmbrojtësi i lindur në Vushtrri luan për Antaliasporin në Superligën turke dhe është gjithashtu pjesë e Përfaqësueses së Kosovës. Gërxhaliu është 21 vjeç dhe do të ishte një investim për të tashmen dhe për të ardhmen e Dinamos, që gjatë kësaj vere ka afruar kryesisht lojtarë të rinj në moshë, me përjashtim të kapitenit Rustem Hoxha dhe mesfushorit Fatjon Andoni.

Gërxhaliu ka qenë fillimisht pjesë e të rinjve të Antaliasporit, ndërsa më pas ka kaluar te rezervat e kësaj skuadre dhe prej sezonit të kaluar është bashkuar me ekipin e parë. Sezonin që shkoi ai është aktivizuar në katër ndeshje, kurse këtë kampionat ende nuk ka zbritur në fushë. Logjika është se qendërmbrojtësi 1.93 metra i gjatë kërkon një skuadër ku mund të luajë rregullisht dhe në këtë rast ka përfituar Dinamo.





Lajmet e fundit nga