web counter
LEXO PA REKLAMA!

SHKARKO APP

App Store
Google Play

E fundit!

x

Kane te Bayern, “shpëton” Romelu Lukaku

10 Gusht 2023, 15:07, Sport CNA

Tottenham hidhet menjëherë në sulm për të gjetur zëvendësuesin e Harry Kane, për të cilin klubi pranoi ofertën e Bayernit prej 110 mln eurosh.

Sipas të përditshmes italiane “Corriere dello Sport”, klubi londinez ka hedhur sytë nga sulmuesi i  Chelsea-t, Romelu Lukaku. Belgu e kaloi sezonin e fundit në huazim tek Interi, por nuk arriti të bindte drejtuesit e klubit “zikaltër” për ta blerë përfundimisht atë nga londinezët.

Big-Rom është përfolur edhe për një transferim të mundshëm tek Juventusi, më saktë për një shkëmbim me sulmuesin serb, Dusan Vlahivic, megjithatë marrëveshja me “Bardhezinjtë” duket larg, ndërsa tani në garë për të është futur klubi i drejtuar nga Daniel Lewy.

Transferimi i Kane në Gjermani mbyll një telenovelë 2-javore,  me sulmuesin i cili do të lërë klubin e tij të fëmijërisë në moshën 30-vjeçare. Kjo bën që ekipi i drejtuar nga trajneri Ange Postecoglu të ngelet pa një numër 9 dhe situata e krijuar vë në lëvizje klubin.

Tottenhami ka shfaqur interes edhe për sulmuesin Iranian, Mehdi Tarermi, i cili vëzhgohet edhe nga Interi.

Për 31-vjeçarin, Porto kërkon 30 mln euro, shifër e leverdisshme, duke marrë parasysh shumën që do të përfitojë klubi londinez nga shitja e sulmuesit të Anglisë.

Megjithatë, emri më i favorizuar tashmë është ai i Lukakut, i cili me transferimin te “Gjelat” do të ndryshonte klub por jo qytet.

Për belgun, Tottenhami do të ishte klubi i katërt në Premier League, pasi më herët është aktivizuar me ekipe si: Chelsea, Manchester United dhe Evertoni. Sipas “transfermarkt” kartoni i 30-vjeçarit vlerësohet  40 mln euro.





Lajmet e fundit nga