web counter
LEXO PA REKLAMA!

SHKARKO APP

App Store
Google Play

Ka mbetur pa ekip, Marcelo drejt rikthimit në La Liga

14 Nëntor 2024, 08:41, Sport CNA

Ka mbetur pa ekip, Marcelo drejt rikthimit në La Liga


Marcelo ka dalë lojtar i lirë, pasi ndërpreu kontratën me brazilianët e Fluminense. Një përplasje me trajnerin solli largimin e mbrojtësit, i cili tani po përgatitet për një aventurë të re.

E ardhmja e futbollistit mund të jetë sërish në Spanjë, aty ku për 15 vite la shenjë me fanellën e Real Madrid-it.

Mbrojtësi i majtë është bërë objektiv i dy skuadrave të La Ligës. Bëhet fjalë për Leganés dhe Villarreal.

Pavarësisht moshës së tij, 36-vjeçari mbetet një opsion tërheqës për shkak të përvojës së tij të gjerë në Europë, veçanërisht gjatë 15 viteve që kaloi në Real Madrid, ku u vendos si një nga mbrojtësit e majtë më të mirë në botë. Të dyja klubet spanjolle po kërkojnë ta forcojnë këtë pozicion për gjysmën e dytë të sezonit.

Leganes, aktualisht në vendin e 14-të në La Liga, po përballet me një situatë të vështirë për shkak të dëmtimeve dhe për këtë arsye ka nisur të lëvizë në merkato. Marcelo, me përvojën e tij në La Liga dhe aftësinë për të ofruar stabilitet dhe udhëheqje, mund të jetë një afrim i shkëlqyer për të ndihmuar ekipin në të ardhmen.

Ndërkohë, Villarreal, i pozicionuar në vendin e katërt në renditje, po kërkon gjithashtu të forcojë krahun e majtë. Me Pedraza dhe Bernat si opsione në atë pozicion, nëndetësja e verdhë e sheh Marcelon si një lojtar që sjell thellësi dhe përvojë, veçanërisht në pjesën e fundit të sezonit, ndërsa ata konkurrojnë për vendet europiane.

Dy klubet spanjolle kanë nisur bisedimet me përfaqësuesit e Marcelos, me shpresën se do të arrijnë një marrëveshje për ta afruar në ditët e ardhshme.





Lajmet e fundit nga