web counter
LEXO PA REKLAMA!

SHKARKO APP

App Store
Google Play

E fundit!

x

Tuci: E njohim mirë Çekinë, rëndësi ka vetëm fitorja dhe jo sa gola shënojmë

13 Nëntor 2024, 11:28, Sport CNA
Tuci: E njohim mirë Çekinë, rëndësi ka vetëm
Indrit Tuci

Indrit Tuci doli në konferencë për mediet këtë të mërkurë, nga grumbullimi me Kombëtaren në prag të dy ndeshjeve të fundit të Ligës së Kombeve.

Për sulmuesin kuqezi përballja me Çekinë do jetë e vështirë, por shtoi se po punojnë shumë për fitoren.

A keni presion, duke qenë se te Kombëtarja ka mungesë sulmuesish?

“Nuk kam presion, madje ndjehem i motivuar që do luaj në ‘Air Albania’ që është ‘sold out’. Këtë e marr si motivim më shumë dhe jo presion. Është kënaqësi që do luaj me stadiumin plot dhe shpresoj që trajneri të më besoj që të luaj dhe jam i gatshëm.”

Çekia si kundërshtar?

“Ne e njofim mirë, ata luajnë me topa të gjatë dhe duhet të bëjmë ç’është e mundur që t’i ndalojmë. Shpresoj, si në ndeshjen me Gjeorgjinë që i netrualizuam të gjithë, dua të bëjmë të njëjtën gjë edhe ndaj Çekisë dhe t’i kënaqim tifozët.”

Gjendja juaj fizike?

“Besoj jam gati, i kam bërë të gjitha testet dhe kanë dalë mirë. Sigurisht mund të kemi ndonjë shqetësim të vogël, por kjo s’do të thotë asgjë, pasi për Kombëtaren do sakrifikojmë.”

3 gola në 4 ndeshje janë pak, çfarë duhet të bëni që të shënoni më shumë?

“3 gola në katër ndeshje nuk mund të them se janë pak, se edhe ekipet e tjera kanë pak a shumë po aq sa ne. Ne kemi 6 pikë, po aq sa ekipet e tjera. Po rëndësi ka të fitojmë dhe jo sa gola shënojmë, sigurisht ne jemi sulmues dhe duam të shënojmë, por rëndësi ka të fitojmë. Besoj se do t'ia dalim sepse po punojmë shumë fort".

Konkurrenca për të luajtur, kujt mund t’ia zësh vendin?

“Kemi ardhur në Kombëtare dhe jo në klub, këtu është ndryshe, t’i vjen për kombin dhe emblemën që mban. Këtu është ndryshe nuk duhet të mërzitesh, por duhet të japësh maksimumin.”

A keni komunikuar me ndonjë nga lojtarët e Çekisë?

“Luaj vetëm me qendërmbrojtësin Vitik te Sparta e Prague-s, vetëm ai ishte i grumbulluar me Çekinë, por ai është i dëmtuar dhe nuk do jetë në këto ndeshje me Çekinë, më bëhet qejfi që s’do jetë, por i uroj shërim të shpejtë."

Dhuruat asist në ndeshjen e fundit, po të shënonit në ndeshjen me Çekinë përpara tifozëve shqiptarë si do ndjeheshit?

“Vetëm të luash përballë tifozët të t'u është ndjenja më e veçantë në botë, shpesoj që të shënoj, por e thashë edhe nëse e bën golin Ramadani do kënaqem dyfish më shumë se Ramadani. Shpresoj të fitojmë.”

Kombëtarja shqiptare e futbollit do të përballet më 16 nëntor me Republikën Çeke dhe më 19 nëntor me Ukraninën, të dyja sfida që do të luhen në “Air Albania” në Tiranë./CNA

 





Lajmet e fundit nga