E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

"Kemi dy ndeshje të vështira", Ramadani: Gjithë lojën e Çekisë e bën Chory, duhen dy veta që ta ndalojnë atë

13 Nëntor 2024, 11:15, Sport CNA

"Kemi dy ndeshje të vështira", Ramadani: Gjithë

Ylber Ramadani

Për Ylber Ramadanin dy ndeshjet e fundit të Kombëtares në Ligën e Kombeve janë shumë të vështira.

Duke folur në konferencën për mediet nga grumbullimi me kuqezinjtë, 28-vjeçari u shpreh se këtë ndeshje ndaj Çekisë duhet ta marrin shumë seriozisht.

Çekia apo Ukraina, cila është më e vështirë?

“Të dyja janë të forta sepse të dyja kanë luajtur në Europian dhe duan kualifikim. Po ne mendojmë për ndeshjen e parë, pastaj atë ndaj Ukrainës. Nuk do të jetë e lehtë, pasi Çekia është shumë e fortë fizikisht. Përparësia jonë e vetëm është që kemi tifozët tanë këtu.”

A keni presion sepse rrezikohet edhe rënia nga Liga?

“Presion kemi gjithmonë, por dimë si ta menaxhojmë dhe dimë si duhet të luajmë ndaj Çekisë. Ndeshjen atje e kemi humbur nga duelet dhe topat e gjatë. Duhet ta nisim shumë seriozisht dhe duhet ta fitojmë ndeshjen.”

Luani më mirë me Bajramin apo me Laçin?

“Unë nuk e kam problem sepse ambientohem shumë shpejt, nuk e kam problem të luajë me askënd në mesfushë. Zgjedhjet i bën trajneri dhe nuk e kam problem me asnjërin. Unë jap gjithçka për të luajtur me këdo sa më mirë.”

Nota juaj më e ulët me Kombëtaren ishte ndaj Çekisë, a ishte ndeshja më e vështirë për ju?

“Nuk i shikoj statistikat, vetëm analizën e trajnerit shikoj dhe çfarë më thotë trajneri.”

Sa e vështirë është me një kundërshtar me Çekinë?

“S'e di a e keni kuptuar, por ai sulmuesi i Çekisë është shumë i gjatë dhe duhet ta mbajnë dy veta, pasi është një kundërshtar shumë i vështirë dhe shumë i fortë. Ai duhet mbuluar, pasi ai e bën të gjithë lojën e Çekisë. “

A kemi mundësi të rikuperojmë humbjen ndaj Çekisë?

“Normalisht ne kemi ardhur me qëllimin që të marrim rezultatet pozitive dhe do të bëjmë çdo gjë për ta arritur.”

Çfarë duhet të ndryshojë Shqipëria që të fitojë ndaj Çekisë?

“Duhet të ndryshojë qasjen dhe përkushtimin në fushë.”

Kombëtarja shqiptare e futbollit do të përballet më 16 nëntor me Republikën Çeke dhe më 19 nëntor me Ukraninën, të dyja sfida që do të luhen në “Air Albania” në Tiranë./CNA