web counter
LEXO PA REKLAMA!

SHKARKO APP

App Store
Google Play

"Joshet" Atalanta, Gjimshiti me skuadër të re

30 Korrik 2024, 11:47, Sport CNA

"Joshet" Atalanta, Gjimshiti me skuadër të re

Berat Gjimshiti mund të largohet nga Atalanta në këtë merkato vere. Në drejtimin të kapitenit të Shqipërisë ka ardhur një ofertë e majme financiare nga Lindja e Mesme.

Raportohet se Al Rayyan nga Katari po punon fort për të transferuar mbrojtësin kuqezi.

Atalanta ka marrë një ofertë prej 15 milionë eurosh, me drejtuesit që duken të kënaqur dhe janë gati të heqin dorë nga shërbimet e Gjimshitit.

Gjithashtu, klubi nga Katari i ka ofruar edhe dyfishim të pagës futbollistit kuqezi, për ta bindur atë që të largohet nga Seria A, aty ku është kthyer në një pikë kyçe për skuadrën bergamaske.

Palët janë në fazën e bisedimeve të avancuara dhe nuk përjashtohet arritja e një marrëveshjeje në orët e ardhshme.

Gjimshiti është një ndër futbollistët më të rëndësishëm të Atalantës. Ai mbajti shiritin e kapitenit në finalen e Dublinit, ku fituan Ligën e Europës ndaj Bayer Leverkusen.

Në 240 takime me fanellën e skuadrës italiane, Gjimshiti ka realizuar tetë gola dhe tetë asiste.

Me aftësitë e tij, lojtari i ka dhënë siguri prapavijës së bergamaskëve, por drejtuesit e klubit italian nuk do të pengonin transferimin e futbollistit, i cili do të përfitonte një pagesë më të mirë në klubin Al Rayyan.

Ndërkohë që tek Atalanta kanë nisur të mendojnë për zëvendësuesin e 31-vjeçarit. Për Gjimshitin do të ishte një hap pas sa i përket karrierës, por duke parë moshën e tij, tani vjen një fazë, kur lojtarët fillojnë të mendojnë për anën financiare dhe këtu përjashtim nuk mund të bëjë as shqiptari.





Lajmet e fundit nga