web counter
LEXO PA REKLAMA!

SHKARKO APP

App Store
Google Play

 “Jam kampion bote, dua të luaj” përsëritet çështja Felix tek Altetico Madrid

18 Janar 2023, 14:42, Sport CNA

Diego Simeone ka shkaktuar përsëri probleme te Atletico Madrid. Pas mosmarrëveshjeve të shumta me Joao Felix, i cili zgjodhi të largohet në formën e huazimit te Chelsea, trajneri është përplasur edhe me Rodrigo de Paul. Mesfushori kampion bote një muaj më parë me kombëtaren e Argjentinës nuk ka luajtur asnjë minutë që kur është kthyer nga Botërori, edhe pse ishte një nga lojtarët me performancën më të mirë në Katar.

Sipas mediave spanjolle, De Paul nuk e ka mirëpritur këtë vendim të trajnerit për ta lënë në stol dhe bashkë kanë pasur një mosmarrëveshje. “Jam kampion bote, dua të luaj”, ka qenë deklarata e mesfushorit argjentinas, që ka kërkuar të aktivizohet.

Marrëdhënia midis mesfushorit argjentinas Rodrigo De Paul dhe trajnerit Diego Simeone është në fund dhe duket se kjo deklaratë dhe mosmarrëveshjet që kanë trajneri Simeone dhe De Paul, kanë çuar në një vendim për t’u larguar nga Spanja. Për 28-vjeçarin ka mjaft oferta dhe shumë klube europiane do të dëshironin ta kishin pjesë të ekipit pas një performance mbresëlënëse në Kupën e Botës.

Zhvillime të reja priten në vazhdim, teksa e vetmja kthesë për lojtarin mund të jetë largimi i Simeones nga Atletico Madrid.





Lajmet e fundit nga