web counter
LEXO PA REKLAMA!

SHKARKO APP

App Store
Google Play

E fundit!

x

I dalë nga akademia e Dinamos dhe i rritur me “mitin” Kaka, Modena prezanton talentin shqiptar

25 Janar 2023, 12:34, Sport CNA

I dalë nga akademia e Dinamos dhe i rritur me “mitin” Kaka,

Kleis Bozhanaj është tashmë edhe zyrtarisht në pronësinë e klubit të Modenës në Serinë B. 21-vjeçari shihet si një element me shumë perspektivë, ndaj Modena vendosi të investojë te lojtari që në të kaluarën ka qenë pjesë e Shqipërisë U-19 duke koleksionuar tri paraqitje.

Bozhanaj është pjesë e Carrarese në Serinë C dhe do të mbyllë aty këtë sezon për të kaluar më pas te Modena. Ndërkohë, në prezantimin e kryer nga klubi i Modenës, theksohet edhe aftësia ofensive e Bozhanajt, ndërsa ky i fundit është rritur duke pasur një idhull si Ricardo Kaka.

Hapat e parë të Bozhanajt në futboll nisën nga akademia e Dinamos për të kaluar më pas në Itali te të rinjtë e Empolit. Në vijim Bozhanaj provoi edhe një eksperiencë te Napoli, por shpejt u rikthye në Toskanë, tek Empoli aty ku së bashku me Kristjan Asllanin fitoi titullin për të rinjtë.

Më pas karriera e Bozhanajt vijoi te Specia që e huazoi në Portugali te Casa Pia dhe më pas erdhi Carrarese. Klubi në të cilin futbollisti shqiptar do të qëndrojë deri në fundin e sezonit aktual për të nisur më pas te Modena atë që mund të konsiderohet edhe si eksperienca më e rëndësishme deri në këtë pikë të karrierës.





Lajmet e fundit nga