web counter
LEXO PA REKLAMA!

SHKARKO APP

App Store
Google Play

E fundit!

x

Hakan Calhanoglu: Jam më i miri në botë, pas meje vijnë Rodri, Kroos dhe Kimmich

22 Shkurt 2024, 16:48, Sport CNA

Hakan Calhanoglu: Jam më i miri në botë, pas meje vijnë

Hakan Calhanoglu është kthyer në një pikë referimi, në qendrën e mesfushës së Inter, teksa përveç idejimit të aksioneve, mesfushori është kthyer edhe një goleador të vërtetë. Turku numëron plot 11 gola e 3 asistime këtë sezon dhe më shumë se ai ka vetëm “fantazisti” anglez, Jude Bellingham.

Të qënurit një nga më të mirët nuk është e habitshme për “arkitektin” e mesfushës, i cili vetë e ka parashikuar diçka të tillë, teksa gjatë një interviste interesante, të zhvilluar për mediat italiane nuk është treguar aspak modest, për vlerat e tij, megjithatë nuk duhet mohuar se të paktën këto 3 vitet e fundit, Calhanoglu është kthyer në “trurin” e lojës së “Zikaltër”.

“Muaj më parë u shpreha se jam ndër pesë ‘regjisorët’ më të mirë në botë, por askush nuk më besoi. Gjithsesi, unë kam besim të madh te vetja, i njoh cilësitë e mia dhe nuk kam frikë nga askush. Askush nuk i shënon golat që realizoj unë. Unë nuk shënoj gola nga një metër larg, por nga shumë larg. Si nga goditjet e dënimit. Unë bëj gjëra të vështira dhe të komplikuara.

Pesë më të mirët në rolin tim? Hakan Calhanoglu vjen i pari. Më pas me radhë, Rodri, Toni Kroos, Kimmich dhe Enzo Fernandez.

Nuk më pëlqen të kthej topin pas, preferoj të vertikalizoj menjëherë dhe të luaj shpejt topin. Provoj të shfrytëzoj hapësirat e krijuara.

Idhulli im? Andrea Pirlo. Më pëlqente shumë stili i tij i lojës dhe qëndrimi i qetë që kishte në fushë. Nuk e ndjente fare stresin dhe presionin. Nuk e harroj penalltinë që shënoi ndaj Hart në Euro 2012. Pirlo është idhulli im, ai ishte numri një”,- u shpreh turku i mesfushës së Interit





Lajmet e fundit nga