web counter
LEXO PA REKLAMA!

SHKARKO APP

App Store
Google Play

Gol dhe festë si Mesi, Brahim Diaz: Kam dashur gjithmonë të festoj kështu, por nuk më lejonte Kalabria

8 Tetor 2022, 21:52, Sport CNA

Brahim Diaz ishte autori i një goli spektakolar në ndeshjen e sotme ndaj Juventusit. Ai kaloi disa lojtarë dhe çoi topin në rrjetë, duke zgjedhur pastaj që të hiqte fanellën e tij dhe ta drejtonte nga tifozët.

Një gjest i ngjashëm me atë që bëri disa vite më parë Lionel Mesi dhe që ka hyrë në historinë e futbollit, veprim të cilin Brahim Diaz e ka pranuar pas sfidës se e kishte planifikuar me kohë, por nuk ia kishin lejuar për shkak se do të shoqërohej me karton të verdhë.

“Një i verdhë për fanellën që hoqa? Unë kam dashur që ta bëj gjithmonë këtë festim. Vitin e kaluar ma ndaloi Kalabria, por këtë herë jo”, theksoi lojtari i entuziazmuar pas sfidës teksa fliste për “DAZN”, ku komentoi edhe faktin se pse nuk po luante aq rregullisht si titullar.

“Unë dua të luaj, ku më aktivizon trajneri, unë luaj. Jemi një skuadër e bashkuar, të gjithë punojmë për njëri-tjetrin. Jam shumë i lumtur për golin dhe tri pikët se janë të rëndësishme për skuadrën. Pas Çelsit, dëshironim që të bënim një ndeshje të tillë për tifozët tanë”, theksoi lojtari spanjoll.





Lajmet e fundit nga