E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Fundi i ciklit te Totenhemi, Konte-Murinjo fate të kryqëzuara

10 Mars 2023, 09:36, Sport CNA

Antonio Konte humbi kundër Milanit dhe është jashtë Champions League dhe më shumë se një këmbë e gjysmë larg Totenhemit. Megjithatë, ai do të kishte dashur të shkruante një histori krejtësisht të ndryshme në Londër.

Sulmi i djeshëm i brazilianit Richarlison ndaj Kontes është apoteoza e një projekti në orët e fundit: epoka e trajnerit italian në stolin londinez ka përfunduar dhe të gjithë e dinë mirë.

Daniel Levy, pronari i Totenhemit, është i kontestuar nga tifozët, pavarësisht investimeve të mëdha në stadiumin dhe qendrën sportive, si dhe në projektin sportiv.

Nuk mungojnë zërat për shitjen e mundshme të klubit te investitorët e Katarit, shumë afër atyre të PSG-së dhe negociatat po vazhdojnë.

Levy është ende në krye të klubit dhe kontaktet me Mauricio Pochettinon kanë vazhduar për më shumë se dy muaj.

Po Fabio Paratici? Është e qartë se “gjërat” italiane rëndojnë mbi të ardhmen e të gjithë protagonistëve të përfshirë, por tashmë e sigurt është se ai mbetet ende një figurë e rëndësishme dhe me një kontratë të gjatë në Londër.

Konte dhe Murinjo, fate të kryqëzuara

Zërat që vijnë nga Londra thonë se Konte do të dëshironte të rikthehej në Itali dhe se Roma mund të interesohet për trajnerin nga Salento në rast lamtumire nga Totenhemi.

Sigurisht që duhet parë se çfarë do të ndodhë në Romë mes Tiago Pintos dhe Murinjos. Drejtori sportiv ka një pozicion të fortë në marrëdhënien me familjen Friedkin.

Nga ana tjetër, Murinjo ka plane të tjera në përfundim të kontratës me verdhekuqtë.

Ku? Nuk është sekret që ai ëndërron të kthehet atje ku la gjurmë. Ndoshta te Reali i Madridit, i cili mund ta mbyllë historinë me Karlo Ancelotin (i cili mund të bëhet trajner i Brazilit).

Ose te Chelsea, ku e ardhmja e Graham Potter varet nga fushata europiane. Një intrigë e gjatë që nis nga Londra, nga një humbje në Champions League, që duket se mbyll kapitullin Totenhem-Konte.