web counter
LEXO PA REKLAMA!

SHKARKO APP

E fundit!

x

FSHF e “dashuruar” me italianët, Maran është i pesti te Kombëtarja

19 Maj 2026, 17:43, Sport CNA

FSHF e “dashuruar” me italianët, Maran është i pesti

Federata Shqiptare e Futbollit ka vendosur t’i rikthehet sërish shkollës italiane të trajnerëve, duke zgjedhur Rolando Maran si teknikun e ri të Kombëtares.

Trajneri italian ka firmosur një kontratë dyvjeçare, nga e cila pritet të përfitojë rreth 400 mijë euro. Maran bëhet italiani i pestë që merr drejtimin e kuqezinjve pas Giuseppe Dossenës, Gianni De Biasit, Christian Panuccit dhe Edy Rejës.

Gianni De Biasi mbetet trajneri me periudhën më të suksesshme, pasi drejtoi Shqipërinë në 52 ndeshje dhe siguroi kualifikimin historik në Euro 2016. Ndërkohë, Edi Reja arriti ngjitjen e Kombëtares nga Liga C në Ligën B të Ligës së Kombeve gjatë sezonit 2020-2021.

Rolando Maran zëvendëson brazilianin Silvinjo, i cili mbylli bashkëpunimin me FSHF pas rezultateve pozitive në eliminatore. Eksperienca e fundit e trajnerit 62-vjeçar ishte me Brescian në vitin 2025, aventurë që përfundoi me rënien e skuadrës në Serie C.

Me këtë emërim, Shqipëria nis një tjetër cikël të bazuar te modeli italian i menaxhimit dhe organizimit taktik.





Lajmet e fundit nga