web counter
LEXO PA REKLAMA!

SHKARKO APP

App Store
Google Play

Çerekfinalet e para/ Bayern-Inter dhe Arsenal-Real premtojnë spektakël

8 Prill 2025, 12:41, Sport CNA

Çerekfinalet e para/ Bayern-Inter dhe Arsenal-Real premtojnë

Këtë të martë, rikthehet Liga e Kampioneve, me dy përballje spektakolare, të vlefshme për fazën çerekfinale. Arsenali pret në shtëpi skuadrën e Real Madrid, në një ndeshje që pritet të jetë shumë e luftuar.

Londinezët nuk kanë luajtur një gjysmëfinale të Ligës së Kampioneve që nga viti 2009 dhe kërkojnë të avancojnë për më tej.

Sfida e parë do të luhet në Londër dhe anglezët kanë detyrën e vështirë që të eliminojnë “Los Blancos”, që janë rekordmenët e kompeticionit, me 15 Champions të fituar. Gjashtë nga këto trofe i kanë ngritur nga viti 2009, me Arsenalin që kurrë nuk është shpallur mbret i Europës.

Ekipi anglez u eliminua sezonin e shkuar nga Bayern Munich në çerekfinale, ndërsa këtë herë do të kenë një tjetë duel të vështirë.

Midis të dyja ekipeve, kjo është përballja e dytë në histori. Në sezonin 2005-2006, ishin “topçinjtë”, që i mposhtën dhe siguruan kualifikimin në Ligën e Kampioneve.

Sfida tjetër është ajo mes Bayern Munich dhe Interit, e cila do të luhet në stadiumin “Alianc Arena” në Gjermani.

Të dyja ekipet vijnë me mungesa të shumta, kryesisht bavarezët, që kanë humbur lojtarë si Musiala, Davies dhe Upamecano.

Kjo do të jetë ndeshja e 10-të mes dy ekipeve, me Bayernin që ka fituar pesë herë, ndërsa është mposhtur 3 herë. Një ndeshje është mbyllur në barazim.

Interi ka humbur katër nga shtatë ndeshjet e fundit ndaj skuadrës gjermane, por ka marrë suksesin më të rëndësishëm, atë në finalen e madhe të vitit 2010, kur fituan edhe trofeun.

Është një ndeshje e gjitha për tu shijuar, ku bëhet e vështirë për të zgjedhur një favorit.

Të dyja takimet, do të luhen duke nisur nga ora 21:00.





Lajmet e fundit nga