web counter
LEXO PA REKLAMA!

SHKARKO APP

App Store
Google Play

E fundit!

x

Emrat e piketuar nga Partizani në këtë merkato dimri

5 Janar 2023, 15:03, Sport CNA

Gjatë këtyre ditëve të para të vitit 2023 te Partizani janë lakuar një sërë emrash në lidhje me një afrim të mundshëm të Partizani, që synon të forcojë akoma më shumë skuadrën, për të qenë e blinduar deri në fund të sezonit, kur do të sprintojë më pas për titullin kampion. Një nga emrat më të mëdhenj është një kavajas.

REGI LUSHKJA – Ish-fantazisti i Laçit është drejt ndarjes me Sherif Tiraspolin, ku u transferua në shkurt 2022 për 125 mijë euro. Minutat kanë qenë të pakta për mesfushorin, që kërkon të ristartojë edhe një herë në një klub, ku janë gati t’i japin rol protagonisti në 11- she. “Panorama Sport” mëson se Partizani i është drejtuar Lushkjes me një ofertë konkrete, duke i treguar edhe projektin që drejtuesit kanë për të. Gjithsesi, përgjigja fillestare e Lushkjes ka qenë negative. Stafi i tij po punon për një transferim të mundshëm në një tjetër ligë jashtë vendit dhe kjo është ajo, që e largon 26-vjeçarin nga Partizani, të paktën për momentin. Vetëm në rast se nuk finalizohet si duhet largimi jashtë vendit, Lushkja do të hynte në bisedime zyrtare me drejtuesit e “demave”.

ERALDO ÇINARI – Partizani ka një skuadër të plotësuar dhe në merkato pritet të synojë vetëm emra të mëdhenj, që mund të bëjnë diferencën. Një nga ata është edhe Eraldo Çinari. Gjithsesi, shkodrani duket se ka zgjedhur një tjetër rrugë për të vijuar karrierën e tij. Bisedimet me Partizanin kanë qenë të ngadalta dhe nga kjo situatë ka përfituar Shkëndija e Tetovës, që duket se është më pranë se të gjitha. Gjithsesi, edhe tetovarët do të duhet të qëndrojnë pezull për disa ditë, sepse për Çinarin është shfaqur mundësia e transferimit në një skuadër hungareze. Brenda pak ditësh, pritet të finalizohet gjithçka rreth të ardhmes së ish-goleadorit të kuq. Shkodrani është divorcuar para kohe me turqit e Samsunspor, me të cilët është në gjyq në FIFA për shkak se pretendon se klubi ka ndërprerë kontratën në mënyrë të njëanshme dhe kërkon dëmshpërblim.

MEVLAN ADILI – Një nga lojtarët e lirë në këtë verë është edhe Mevlan Adili. Ishmbrojtësi i Vllaznisë është larguar pas vetëm disa muajsh nga rusët e Kabarovsk. Për të është interesuar Vllaznia, por dëshira e mbrojtësit është një prej klubeve të kryeqytetit, Tirana dhe Partizani. Drejtuesit e kuq janë shprehur të hapur për një transferim të mundshëm, por organika e pasur nuk i shtyn të bëjnë “çmenduri” për Adilin. Sota dhe Bitri kanë qenë një dyshe e konsoliduar në këtë sezon.





Lajmet e fundit nga