web counter
LEXO PA REKLAMA!

SHKARKO APP

App Store
Google Play

E fundit!

x

Elbasani gati për Dinamon, Teuta synon fitoren ndaj Vorës

13 Shtator 2025, 15:11, Sport CNA

Elbasani gati për Dinamon, Teuta synon fitoren ndaj Vorës

Elbasani kërkon të vazhdojë me ecurinë pozitive në kampionat. Pas fitores me Flamurtarin dhe barazimit me Egnatian, vedheblutë kanë një ndeshje delikate siç është ajo ndaj Dinamos.

Elbasani vjen me mungesa në këtë përballje, por trajneri Ivan Gvozdenoviç nuk e bën dramë, duke thënë se ka besim te lojtarët e tjerë.

Tekniku serb u shpreh se skuadra e tij është gati, ndërsa ndeshjen ndaj kryeqytetasve e cilësoi si shumë të rëndësishme.

Ndeshja tjetër e javës së tretë është ajo mes Teutës dhe Vorës. Takimi do të luhet në “Niko Dovana” të Durrësit, në atë që do të jetë ndeshja e parë në shtëpi për bregdetarët.

Trajneri i Teutës, Enkeleid Dobi theksoi se ndeshja merr rëndësi të veçantë, pasi duhen bindur tifozët të shkojnë në stadium dhe shtoi se objektiv janë 3 pikët.

"Ndeshja e Vorës është shumë e rëndësishme, për arsye të situatës dhe që e kemi ndeshjen e parë që e luajmë në stadiumin tonë, pas një revolucioni duke filluar nga të gjithë drejtuesit. Nga presidenti, drejtori, trajneri, ekipi që pothuajse gjysmën e ekipit e kemi të ri në këtë moment. Ndeshja e Vorës për ne ka domëthënje, që të tërheqim sa më shumë vëmendjen, të tërheqim tifozët dhe publikun që të kthehet në stadium. Të jemi krenar për atë që prezantojmë sidomos në fushë. Mund të flasim shumë gjëra të bukura, të mendojmë apo imagjinojnë, por çdo gjë e tregon fusha. Ne duhet të jemi sa më të ndërgjegjshëm në rrugën që kemi marr dhe që këtë ndeshje duhet ta kalojmë sa më mirë dhe me sukses, të mendojmë vetëm për 3 pikë."

Ndeshjet Elbasani-Dinamo dhe Teuta-Vora do të luhen të dielën, duke nisur nga ora 19:00.





Lajmet e fundit nga