web counter
LEXO PA REKLAMA!

SHKARKO APP

App Store
Google Play

E fundit!

x

Prezantohet Zhegrova: Nuk do të jem në Juventus-Inter

11 Shtator 2025, 15:48, Sport CNA

Prezantohet Zhegrova: Nuk do të jem në Juventus-Inter

Edon Zhegrova ka bërë një hap të madh në karrierë, duke u transferuar nga Lille te Juventus-i në ditën e fundit të merkatos.

Sulmuesi i Kosovës u prezantua zyrtarisht si lojtar i bardhezinjve dhe shprehu kënaqësinë për këtë aventurë të re. Ai deklaroi se ndihet krenar për kalimin te një klub i madh dhe synon të japë kontributin e tij sapo të jetë plotësisht i gatshëm.

Për momentin, Zhegrova nuk do të jetë pjesë e sfidës ndaj Inter-it, pasi është ende në rikuperim nga një dëmtim. Ai theksoi se ka rifilluar stërvitjet dhe po punon me stafin për të qenë sa më shpejt në dispozicion të trajnerit Tudor.

“Jam shumë i lumtur që jam te Juventus-i. Ndihem shumë krenar. Këto ditët e para kanë qenë fantastike. Gjithmonë kam dashur të arrija në një klub të madh. E njoh mirë David që më parë. Mendoj se kjo skuadër ka shumë cilësi, jam i bindur se mund të jap kontributin tim.

Kam kaluar një periudhë jo të lehtë për shkak të dëmtimit. Kam rifilluar të punoj fort me stafin. Shumë shpejt do të jem gati.

Përballja ndaj Juventus-it te Lille? Për ne ajo ishte një ndeshje shumë e rëndësishme për t’u treguar. Ajo periudhë ka mbaruar, tani mendoj për Juven. Të gjithë po më ndihmojnë të përshtatem. Mezi pres të luaj.

Mendoj se kjo skuadër ka shumë cilësi të fitojë çdo ndeshje. Do të përpiqemi të fitojmë, të shohim çfarë do të ndodhë.

Sapo kam filluar stërvitjet. Duhej të mbaroja gjithë dokumentacionin, nisa të martën. Kam folur me Tudor, do të shohim ku do të luaj.

Juve-Inter? Kam folur me trajnerin, nuk do të jem ende pjesë e ndeshjes. E di rëndësinë e saj. Inter-i dhe Juventus-i janë dy klube të mëdha”, tha Zhegrova.





Lajmet e fundit nga