E fundit!

16:33 Politikë

Debati për investimet e huaja/ Rama: Ftesë për vetëprapakthim kolektiv, Shqipëria s'ka për ta pranuar

Kryeministri Edi Rama ka bërë një tjetër reagim në lidhje ...

E bujshme/ Akuza të rënda për Chelsea-n, rrezikohet dënim i rëndë dhe heqje pikësh

11 Shtator 2025, 13:09, Sport CNA

E bujshme/ Akuza të rënda për Chelsea-n, rrezikohet dënim i

Një lajm i bujshëm ka shpërthyer në futbollin anglez, me klubin e Chelsea-t që është vënë nën hetim dhe akuzuar nga Federata Angleze e Futbollit për shkelje të rënda të rregullave të transferimeve.

Federata ka bërë të ditur se ndaj klubit londinez janë ngritur plot 74 akuza, të cilat lidhen kryesisht me pagesat e kryera ndaj menaxherëve të lojtarëve gjatë një periudhe të gjatë kohe, që nis nga viti 2009 dhe shtrihet deri në vitin 2022. Pjesa më e madhe e shkeljeve të supozuara ka ndodhur në sezonet 2010-2011 deri 2015-2016, pra në periudhën kur Chelsea ishte në pronësi të biznesmenit rus Roman Abramovicc.

Sipas njoftimit zyrtar, bëhet fjalë për shkelje të disa rregulloreve specifike të Federatës Angleze. Konkretisht, përmenden nenet J1 dhe C2 që kanë të bëjnë me futbollistët, nenet A2 dhe A3 që lidhen me marrëdhëniet dhe bashkëpunimin me ndërmjetësit, si dhe nenet A1 dhe B3 të cilat kanë të bëjnë me investimet e palëve të treta tek lojtarët. Të gjitha këto së bashku përbëjnë një grupim të gjerë akuzash që e vendosin klubin në një situatë delikate.

Federata ka përcaktuar datën 19 shtator si afatin e fundit që Chelsea duhet të paraqesë mbrojtjen e saj dhe të japë një përgjigje për secilën nga akuzat e ngritura. Ky është një proces standard në raste të tilla, ku klubi ka të drejtë të shpjegojë praktikat e tij dhe të sjellë argumente apo prova që mund të hedhin poshtë akuzat.

Nga ana tjetër, mediat britanike raportojnë se pasojat për klubin mund të jenë të rënda nëse akuzat do të provohen. Një nga masat disiplinore më të përfolura është heqja e pikëve në kampionat, çka do të kishte një ndikim të drejtpërdrejtë në ecurinë sportive të skuadrës. Përveç humbjes së pikëve, Chelsea mund të përballet edhe me gjoba të konsiderueshme financiare apo masa të tjera ndëshkuese që aplikohen në raste të ngjashme.

Ky hetim i ri është veçanërisht i rëndësishëm pasi lidhet me një periudhë ku Chelsea fitoi disa trofe të rëndësishëm, përfshirë edhe Liga e Kampionëve në vitin 2012. Nëse do të provohen shkeljet, atëherë mund të hapen diskutime edhe për mënyrën si janë arritur këto suksese, megjithëse zyrtarisht Federata Angleze nuk ka bërë asnjë lidhje direkte mes trofeve dhe praktikave të akuzuara.

Kjo nuk është hera e parë që Chelsea përballet me hetime të tilla, pasi edhe më parë janë ngritur dyshime për mënyrën e kryerjes së disa transferimeve dhe marrëveshjeve financiare. Megjithatë, përmasat e këtij rasti janë më të mëdha, duke u cilësuar nga shtypi anglez si një nga hetimet më të mëdha të kryera ndonjëherë ndaj një klubi të Premier Ligës.