E fundit!

14:28 Sociale

Vrau efektivin dhe plagosi një tjetër/ Flet nëna e Violand Braçellarit: Më vjen shumë keq, zëre sikur më iku djali im

E ëma e Violand Braçellarit, autorit të ngjarjes së rëndë ...

E bujshme nga Spanja, Dani Olmo mund të largohet falas nga Barcelona në janar

10 Dhjetor 2024, 15:18, Sport CNA

E bujshme nga Spanja, Dani Olmo mund të largohet falas nga Barcelona

Dani Olmo u transferua me bujë nga Barcelona në merkaton e verës dhe në pak muaj, është kthyer në një lojtar të rëndësishëm për katalanasit.

Klubi spanjoll hasi vështirësi të mëdha në fillim të sezonit për ta regjistruar, ndërsa këto vështirësi duket se janë kthyer sërish.

Olmo u regjistrua pas dëmtimit të Christensen deri më 31 dhjejtor. Megjithatë, “Mundo Deportivo”, ka publikuar një lajm të bujshëm, që ka shqetësuar jo pak tifozët.

Nëse fantazisti spanjoll nuk regjistrohet deri në janar, mund të largohet falas. Këtë e tregon klauzola që ishte përfshirë në kontratën në gusht, kur u afrua për 47 milionë euro nga Leipzig. Kur nënshkroi kontratën me Barcelonën, Olmo pranoi të regjistrohej vetëm për një sezon, megjithëse në parim, lojtarët nënshkruajnë një kontratë sipas së cilës do të regjistrohen për kohëzgjatjen e kontratës, por duke pasur parasysh situatën në të cilën klubi është, lojtari pranoi të regjistrohej vetëm për sezonin e parë.

Shitja e Ilkay Gundogan nuk mjaftoi dhe Olmo humbi dy xhirot hapëse në Lga Liga, pas së cilës Christensen u lëndua dhe Barça arriti të shfrytëzojë rastin për të regjistruar Olmon, por vetëm deri më 31 dhjetor.

Me këtë kërkesë u përditësua edhe kontrata e Olmos me Barcelonën. Kështu, në muajin gusht, një klauzolë e re u përfshi në kontratën e yllit spanjoll, i cili pranoi të regjistrohej vetëm për gjysmë sezoni, por me kusht që të mund të largohet lirisht nga klubi nëse nuk regjistrohet në janar për gjithë sezonin aktual.

Prandaj Barcelona filloi një fushatë për mbledhjen e fondeve për të mundësuar funksionimin normal të klubit dhe regjistrimin e Olmos në La Liga.

Nga ana tjetër, futbollisti nuk mendon për asgjë tjetër veç suksesit në Barcelonë dhe është i fokusuar që ta ndihmojë skuadrën të arrijë objektivat e saj.