web counter
LEXO PA REKLAMA!

SHKARKO APP

App Store
Google Play

E fundit!

x

Dinamo rikuperon pjesët/ Rexhinaldo kthehet në mister, largimi i pashmangshëm

29 Tetor 2022, 21:06, Sport CNA

Humbja shokuese me Flamurtarin ka bërë që ndeshja e radhës me Korabin në transfertë të marrë një rëndësi të veçantë. Nuk ka ndikim vendimtar për renditjen, pasi kampionati ka shumë rrugë përpara, por do të tregojë shumë se çfarë qasje do të ketë skuadra pas goditjes që mori të hënën që shkoi.

Në Peshkopi do të duket karakteri i kësaj Dinamoje, që humbi kryesimin, për shkak të golaverazhit. Të gjithë presin një reagim të denjë për një skuadër që pretendon Superioren, por këtë e tregon vetëm fusha e blertë të hënën në Peshkopi. Ndërkohë, blutë patën mungesa të rëndësishme me Flamurtarin, si Sabien Lilaj dhe Ersil Ymeri. I pari nuk do të jetë sërish për shkak dëmtimi, ndërsa i dyti nuk është ende në gjendjen optimale, edhe pse mund të luajë në Dibër. Një rikthim i rëndësishëm ky për Dinamon, ashtu si Eni Imami.

SULMUESI – Dinamo ka luajtur deri më tani me dyshen Marku-Denison në sulm. Në disa ndeshje kjo dyshe ka bërë mirë, por bluve për momentin u mungojnë alternativat.

Ndaj Flamurtarit Rexhinaldo ishte në tribunë. Sulmuesi afrikan ka që në fillim të sezonit jashtë skuadre për shkak dëmtimi. Sapo u kthye ndaj Butrintit në Kupë, ai u dëmtua sërish.

Një situatë që ka sjellë pakënaqësi te drejtuesit. Aktualisht Rexhinaldo nuk po stërvitet me grupin dhe nuk dihet kur do të kthehet, ndërsa drejtuesit blu duket se kanë filluar që tani të kërkojnë sulmues. Që prej ardhjes te Dinamo janarin e kaluar, afrikani ka qenë një mister. Lojtari nga Mozambiku nuk ka shënuar ende asnjë gol me fanellën blu.





Lajmet e fundit nga