web counter
LEXO PA REKLAMA!

SHKARKO APP

App Store
Google Play

E fundit!

x

Dështoi transferimi, mbrojtësi rikthehet te Skënderbeu. Fillon stërvitjen me korçarët

19 Shtator 2024, 17:06, Sport CNA

Dështoi transferimi, mbrojtësi rikthehet te Skënderbeu. Fillon

Randy Dwumfour, mund të quhet përforcimi i radhës te Skënderbeu. Mbrojtësi është rikthyer te korçarët, pas disa muajve mungesë.

Futbollisti ganez, do të jetë pjesë e bardhekuqve, të paktën edhe për një tjetër sezon. Gjatë gjithë merkatos, Dwumfour ishte në negociata për të ndryshuar skuadër, por transferimi i dështoi për të dytin vit radhazi.

23-vjeçari ishte në bisedime me një klub të Superligës në Arabinë Saudite, por akordi dështoi dhe lojtari mbeti te Skënderbeu.

Futbollisti është rikthyer në Korçë dhe ka nisur stërvitjen me skuadrën, ndërsa ka ende një kontratë aktive me Skënderbeun.

Ndonëse nuk ka qenë nën urdhrat e stafit teknik prej kohës, Dwumfour pretendon se është gati për të zbritur në fushë.

Ai ka bërë të ditur se është stërvitur i diferencuar gjatë kësaj periudhe që ishte në Ganë dhe ndihet në formë të mirë.

Megjithatë trajneri Ivan Gvozdenoviç e ka të qartë, që mbrojtësit i duhet ende kohë për të kapur formën e tij dhe për të qenë gati.

“Ujqërit” kanë vuajtur shumë në repartin e mbrojtjes për këtë sezon dhe rikthimi i Dwumfour pritet të ndihmojë shumë ekipin, për tu rikthyer te rezultatet pozitive.

Starti i kampionatit ka qenë i dobët për juglindorët, që mbajnë vendin e parafundit në renditje me vetëm e pikë të grumbulluara në pesë ndeshje të luajtura.





Lajmet e fundit nga