web counter
LEXO PA REKLAMA!

SHKARKO APP

App Store
Google Play

Fonseca drejt largimit, kandidatët për stolin e Milanit

19 Shtator 2024, 16:28, Sport CNA

Fonseca drejt largimit, kandidatët për stolin e Milanit

Aventura e trajnerit Paulo Fonseca, mund të mbyllet më shpejtë nga sa ishte menduar. Pas një sërë rezultatesh negative, pozicioni i portugezit në stolin e kuqezinjve është në rrezik dhe tashmë klubi po mendon të bëjë ndryshime.

Pavarësisht fitores jetike të skuadrës 4-0 kundër Venecias fundjavën e kaluar, humbja e fundit 3-1 në San Siro kundër Liverpool në Ligën e kampioneve, ka ngritur dyshime serioze për vazhdimësinë e trajnerit portugez.

Derbi i ardhshëm kundër Interit do të jetë vendimtar pasi mund të përcaktojë të ardhmen e Fonseca-s. Në rast të një humbje ndaj rivalëve të qytetit, shkarkimi do të ishte i pashmangshëm për trajnerin 51-vjeçar.

Drejtuesit e nënkampionëve të Italisë, kanë nisur lëvizjet e tyre, për të zgjedhur timonierin e duhur për stolin në rast ndryshimi.

Në mediat italiane, kanë nisur aludimet, për trajnerët që mund të marrin drejtimin e Milanit. Massimiliano Alegri dhe Maurizio Sarri gjenden në krye të listës së dëshirave, por për momentin mbeten objektiva të paarritshëm. Një kandidat potencial është ish-trajneri i Borussia Dortmund, Eden Terzic. Përmes, kontakteve indirekte, klubi italian ka marrë informacione dhe po vlerëson një zgjedhje që do të siguronte vazhdimësi nga pikëpamja taktike.

Gjithashtu thuhet se drejtuesit kanë pasur kontakte edhe me një emër të madh si Tomas Tuchel, i cili është pa skuadër pas largimit nga drejtimi i Bajernit të Mynihut.

Megjithatë, gjithçka është në kuadrin e thashethemeve, pasi vendim përfundimtar, do të merret pas derbit me Interin, sfidë e planifikuar për tu luajtur ditën e diel.

Kuqezinjtë vijnë në një moment të vështirë në këtë përballje, ndërsa nuk njohin fitore në derbi prej plot 6 ndeshjesh.





Lajmet e fundit nga