web counter
LEXO PA REKLAMA!

SHKARKO APP

App Store
Google Play

Derbi me Partizanin, Shkëmbi: Kemi bërë shumë ndere, jemi këtu prej...

6 Prill 2025, 18:51, Sport CNA

Derbi me Partizanin, Shkëmbi: Kemi bërë shumë ndere, jemi

Tirana dhe Partizani do të masin forcat përballë njëri-tjetrit, në atë që është edhe derbi i fundit për këtë sezon.

Dy ekipet e kryeqytetit, përballen në një sfidë delikate, për ecurinë e kampionatit. Fitorja është detyrim në të dyja kampet, por te Tirana janë të dënuar për tre pikët.

Bardheblutë mbajnë vendin e fundit në tabelë dhe për këtë arsye kërkohen tre pikët me çdo kusht.

Këtë e pranoi edhe trajneri Bledi Shkëmbi, në konferencën para ndeshjes. Ai pranoi se skuadra e tij ka bërë shumë gabime, të cilat tani janë të pafalshme.

“Duhet të bëjmë diçka ndryshe nga ajo që bëmë me Elbasanin. Kemi folur me skuadrën që ndeshja luhet 100 minuta, jo 90 minuta. Skuadra duhet të ketë një fytyrë, jo si ndaj Elbasanit ku e nisëm mirë dhe më pas u treguam të vegjël. Duhet të luftojmë dhe të vrapojmë më shumë.

Kjo skuadër ndryshoi shumë ndaj Elbasanit dhe mu duk sikur u fut në presion. Nuk kemi luksin që të vetëkënaqemi kur shënojmë dhe kalojmë në avantazh. Skuadra vuan anën psikologjike.

Shpresoj që kundërshtarët të mos jenë në një ditë të mirë, por përveç kësaj ne problemin e kemi pasur te vetja. Ne nuk po bëjmë mirë pjesën tonë dhe kjo është më e rëndësishmja. Kemi bërë ndeshje të mirë në minuta të veçanta, po ashtu edhe të dobëta. Duhet të fitojmë punën tonë dhe të bëjmë llogaritë.

Tani shikoj një Partizan me më shumë ego dhe me më shumë luftë. Duhet të kemi kujdes gabimet tona, që të mos i përsërisim. Kundërshtarëve u kemi bërë shumë ndere me gabime dhe këtë duhet ta përmirësojmë. Në këtë ndeshje duhet të marrim 3 pikët, duhet të bëjmë maksimumin për këtë. Në futboll asnjëherë nuk ka siguri, por duhet të bësh një ndeshje të mirë”, deklaroi Shkëmbi. 

 





Lajmet e fundit nga