web counter
LEXO PA REKLAMA!

SHKARKO APP

App Store
Google Play

Deklarata e bujshme e ish-arbitrit: Nuk e ndëshkova Messi-n për të marrë në këmbim...

20 Shtator 2024, 14:30, Sport CNA

Deklarata e bujshme e ish-arbitrit: Nuk e ndëshkova Messi-n për

Ish-arbitri i FIFA-s, Carlo Candia, ka bërë një deklaratë të bujshme së fundmi. Ai deklaroi se e ka kursyer një karton ndaj Leo Messi-t, në gjysmëfinalen e Copa America, në vitin 2007.

Bëhet fjalë për sfidën ku Argjentina mposhti Meksikën me rezultatin 3-0. Në rast se Messi do të ndëshkohej në atë takim, do të humbistë finalen ndaj Brazilit.

Candia tha se ia kurseu kartonin Messi-t, në këmbim të fanellës në fund të lojës.

“Messi preku topin me dorë në qendër të fushës, nuk kishte rrezik për gol apo diçka të tillë, ndaj i thashë se ky është një karton i verdhë që nuk do ta jap, por në këmbim duhet të më jepte fanellën. Kishin mbetur edhe dy minuta e gjysmë, rezultati ishte 3:0. Po ta kisha ndëshkuar me karton, nuk do të luante në finale”, tha Candia.

Arbitri zbuloi se argjentinasi kishte respektuar marrëveshjen: “Messi erdhi tek unë pas ndeshjes dhe më dha fanellën. Ai donte ta bënte në fushë, por unë i thashë të mos e bënte, por ta sillte në dhomën e zhveshjes. Më pas erdhi me fanellën dhe më dha një dhuratë që nuk do ta harroj kurrë.”





Lajmet e fundit nga