web counter
LEXO PA REKLAMA!

SHKARKO APP

App Store
Google Play

E fundit!

x

Debutoi me fitore te Al-Nassr, Pioli: Dua të fitoj trofe, do përmirësoj lojën e ekipit

21 Shtator 2024, 16:03, Sport CNA
Debutoi me fitore te Al-Nassr, Pioli: Dua të fitoj trofe, do
Stefano Pioli

Trajneri Stefano Pioli e nisi me fitore rrugëtimin si trajner i Al-Nassr.

Skuadra e drejtuar nga tekniku italian fitoi me rezultatin 3-0 ndaj Al-Ettifaq, në një takim që e dominoi nga fillimi deri në fund.

Duke folur pas këtij takimi, Pioli u shpreh se te Al-Nassr ka lojtarë të nivelit të lartë dhe qëllimi është që të fitojnë trofe bashkë.

“Ajo që pashë nga lojtarët në këtë ndeshje ishte shumë e kënaqshme për mua. Kemi lojtarë të nivelit të lartë, vendas dhe të huaj dhe synimi ynë është të marrim pjesë në çdo turne. Unë do lë gjurmë me Al-Nassr. Arsyeja pse u bashkova me këtë ekip është shumë e qartë: Dua të fitoj trofe. I kam parë të gjitha ndeshjet e Al-Nassr këtë sezon, por tani duhet të fokusohemi në të ardhmen. Skuadra ka potencialin për të arritur rezultate të mira”,- tha fillimisht tekniku italian.

Ndër të tjera, ish-trajneri i Milan-it shtoi se po punojnë për të përmirësuar lojën dhe për të marrë maksimumin nga çdo lojtarë.

“Ne do të punojmë për të përmirësuar lojën tonë dhe për të përdorur të gjitha burimet në dispozicion. Ne do të ndërtojmë stilin tonë të lojës pa pritur taktikat e kundërshtarit. Ndeshjet e ardhshme do të më mësojnë të di më mirë për pikat e forta, të dobëta dhe aftësitë e ekipit. Shpresojmë të arrijmë rezultate pozitive”, -shtoi Stefano Pioli.

Te Al-Nassr, Stefano Pioli do të drejtojë lojtarë të nivelt të lartë siç është ylli i kombëtares së Portugalisë, Cristiano Ronaldo./CNA





Lajmet e fundit nga