web counter
LEXO PA REKLAMA!

SHKARKO APP

App Store
Google Play

E fundit!

x

Derbi me Inter-in, Fonseca: Jemi të bashkuar, nuk e mendoj shkarkimin

21 Shtator 2024, 14:41, Sport CNA
Derbi me Inter-in, Fonseca: Jemi të bashkuar, nuk e mendoj shkarkimin
Paulo Fonseca

Derbi Inter-Milan pritet të jetë përballja më e zjarrtë e javës së pestë të Serie A.

Takimi i planifikuar për t’u luajtur të dielën në orën 20:45, do të shoqërohet me spektaklin e “San Siro"-s së tejmbushur nga tifozët.

Në konferencën e dhënë për mediet në prag të derbit, trajneri i Milan-it, Paulo Fonseca u shpreh se kanë një zhgënjim të madh pas humbjes nga Liverpool-it në Champions League, por shtoi se përtej çdo fakti grupi është i bashkuar.

"Ka zhgënjim të madh pas humbjes ndaj Liverpool-it, por ne jemi të bashkuar për të dalë nga kjo situatë. Ekipi e kupton momentin, ne punojmë së bashku për të bërë më mirë. Zgjidhja është të punojmë. Ne po luajmë kundër një ekipi të madh. Kemi shumë për të fituar, ndaj duhet të mendojmë pozitivisht”,- tha fillimisht ai.

Teksa i pyetur për të ardhmen e tij dhe për faktin që në media po diskutohet shkarkimi nga Milan nëse nuk ka sukses në derbi, Fonseca deklaroi se nuk mendon aspak për këtë pjesë.

"Unë nuk mendoj për këtë çështje tani. Jam i përqendruar në atë që mund të bëj. Skuadra dhe ndeshja janë gjërat më të rëndësishme tani”-u shpreh Paulo Fonseca.

Inter vjen në këtë përballje pas barazimit në javën e fundit të Serie A ndaj Monza-s dhe do kërkojë rikthimin te triumfi, teksa Milan do provojë të kalojë krizën, pasi në katër ndeshje në kampionat numëron vetëm një fitore./CNA





Lajmet e fundit nga