web counter
LEXO PA REKLAMA!

SHKARKO APP

App Store
Google Play

E fundit!

x

Prag Milan, Inzaghi: Ndihemi të fortë, kundër gjithçkaje dhe të gjithëve, po e mendoj formacionin

21 Shtator 2024, 15:06, Sport CNA
Prag Milan, Inzaghi: Ndihemi të fortë, kundër gjithçkaje
Simone Inzaghi

Për trajnerin e Inter-it, Simone Inzaghi-n, derbi ndaj Milan-it që është planifikuar të luhet këtë të dielë në orën 20:45 në “San Siro” është një ndeshje që ka shumë domethënie.

Duke folur në konferencën për mediet në prag të këtij takimi, tekniku i “zikaltërve” u shpreh se Inter duhet të jetë i veçantë në këtë sfidë.

“Ne e dimë se çfarë lloj ndeshjeje do të jetë. Të gjithë e dimë se çfarë përfaqëson derbi për ne, për klubin, për tifozët tanë. Ne do të kemi nevojë për një Inter të veçantë sepse pas ndeshjes që luajtëm në Champions, shpenzuam shumë energji fizike dhe mendore. Por ndonjëherë në ndeshje si derbi gjen energji që as e kishe menduar se e kishe”-tha fillimisht ai.

Teksa i pyetur se a është Inter-i më i fortë se të gjithë kundërshtarët, trajneri italian tha se ndihen të fuqishëm kundër të gjithëve.

“Ndihemi të fortë, kundër gjithçkaje dhe të gjithëve. Do të jetë një ndeshje e hapur dhe e ndjerë nga të dyja skuadrat, klubet dhe tifozët. Si ne edhe ata në mesjavë luajtëm ndeshje me kundërshtarë të fortë. Teksa sa i përket formacionit, kam ende disa dyshime dhe gjithçka do e vendos pas stërvitjes nesër në mëngjes”-deklaroi ndër të tjera Simone Inzaghi.

Në këtë përballje, Inter vjen si skuadra e pestë në renditjen momentale të Serie A me tetë pikë, teksa Milan renditet në vend të 11-të me pesë pikë./CNA





Lajmet e fundit nga