web counter
LEXO PA REKLAMA!

SHKARKO APP

App Store
Google Play

E fundit!

x

Berisha do të largohet, trajneri i Torinos: Nuk do të dëshiroja ta humbisja

4 Janar 2023, 09:31, Sport CNA
Berisha do të largohet, trajneri i Torinos: Nuk do të dëshiroja
Etrit Berisha

Etrit Berisha e ka bërë të qartë se pret që në pjesën e dytë të sezonit të shkojë në një klub ku të aktivizohet më me rregullsi. Portieri luajti në pjesën e dytë të sezonit të kaluar me Torinon dhe u shfaq mjaft mirë, por në fund klubi italian vendosi t’i besojë fanellën e titullarit Vanja Milinkoviç-Saviç.

Trajneri Ivan Juriç, ka konfirmuar në konferencë për shtyp se pret që Berisha të largohet, teksa ka siguruar se po të ishte në dorën e tij, do të dëshironte që portieri shqiptar të qëndronte.

“Berisha ka bërë mirë kur ka luajtur, por ne vendosëm për Vanja pasi mendojmë se ka një potencial të rëndësishëm dhe po e tregon. Berisha ka shumë dëshirë për të luajtur, do të vlerësojmë situatat.

Jam egoist dhe nuk do të dëshiroja ta humbisja, ai e ka treguar vlerën e tij dhe do të më pëlqente që të qëndronte me dëshirë. Por nuk është e thjeshtë për një portier”, deklaroi Juriç para gazetarëve duke sqaruar situatën e kapitenit të përfaqësueses shqiptare.





Lajmet e fundit nga