web counter
LEXO PA REKLAMA!

SHKARKO APP

App Store
Google Play

Bayern Munich i bën "dhuratën" e jetës Simon Simonit

13 Janar 2023, 12:34, Sport CNA

Bayern Munchen po punon për zëvendësuesin e kapitenit Manuel Neuer, i cili veç moshës së madhe, ka pësuar edhe një dëmtim që do ta mbajë larg fushave të blerta për 4 muajt e ardhshëm.

Drejtuesit bavarez kanë përgatitur një listë me disa emra. Yan Sommer është objektivi kryesor, por pista është zbehur pas bllokimit nga ana e Gladbach.

Sytë tani kanë kaluar te portieri i Eintracht Frankfurt, Kevin Trapp. Bavarezët do të negociojnë me drejtuesit e Frankfurt për shërbimet e tij.

Nëse ky operacion finalizohet me sukses, portieri shqiptar, Simon Simoni, i cili u transferua në Frankfurt nga Dinamo këtë merkato, do të promovohet në ekipin e parë.

Simon Simoni ka ngjitur me hapa galopantë shkallët e karrierës. Portieri i Dinamos u transferua tek Eintracht Frankfurt në Bundesligë. Talenti i treguar në Superiore e katapultoi atë pikërisht në një nga ligat më të forta europiane.

Ai ka nisur menjëherë nga puna, teksa sot ka zbritur në stërvitje bashkë me shokët e skuadrës. 18-vjeçari ka zgjedhur të mbajë në fanellë numrin 41, ndërsa pritet me interes të shihet nëse do të përzgjidhet nga stafi teknik për të pasur minuta për pjesën e dytë të këtij sezoni futbollistik.





Lajmet e fundit nga