web counter
LEXO PA REKLAMA!

SHKARKO APP

App Store
Google Play

E fundit!

x

Barazim spektakolar mes Serbisë dhe Kamerunit

28 Nëntor 2022, 13:02, Sport CNA

Serbia dhe Kameruni kanë luajtur një duel spektakolar që do të mbyllej në shifrat 3-3. Pavarësisht dominimit të serbëve në minutat e para, Kameruni do të kalonte në avantazh në minutën e 29-të me një gol të shënuar me kokë nga Castelleto.

Serbia ndërkohë do të reagonte mjaft mirë, duke përmbysur gjithçka në fundin e pjesës së parë. Pavlovic dhe Milinkovic-Savic do të shënonin dy gola të shpejtë duke shokuar kamerunasit.

Në fillimin e pjesës së dytë, Mitrovic thelloi avantazhin e skuadrës së tij, pasi mori një asist nga Zivkovic. Kameruni ndërkohë do të zgjohej disa minuta më pas duke shënuar dy gola për dy minuta.

Në minutën e 64-t, sapo hyri në fushën e lojës, Vincent Aboubakar realizoi një gol shumë të bukur me parabël përballë portierit. Fillimisht u mendua për pozicion jashtë loje, por VAR konfirmoi golin si të rregullt.  Dy minuta më pas Aboubakar u bë sërish protagonist duke shërbyer për Choupo-Moting që do ta kishte të thjeshtë për ta dërguar topin në rrjetë.

Të dyja skuadrat marrin pikën e parë në "Katar 2022" dhe rrezikojnë shumë për në fazën tjetër. 





Lajmet e fundit nga