web counter
LEXO PA REKLAMA!

SHKARKO APP

App Store
Google Play

Axhenda e Superiores, java e 19-të ndahet në dy ditë

27 Janar 2023, 15:46, Sport CNA

Axhenda e Superiores, java e 19-të ndahet në dy ditë

"Abissnet Superiore" mbylli ditën e djeshme sfidat e javës së 18-të, teksa tashmë menjëherë skuadrat duhet të përgatiten për të bërë mes tyre llogaritë e javës së 19-të.

Pikërisht kjo javë do të luhet në dy ditë, të dielë dhe të hënë. Supersfida Kukësi-Tirana do të luhet ditën e diel duke nisur që nga ora 13:00 në “Kukës Arena”. Fitorja e fundit iu ka dhënë moral verilindorëve të cilët ndaj kampionëve në fuqi do të tentojnë një tjetër 3-pikësh. Nga krahu tjetër Tirana vjen pas fitores spektakolare me Erzenin dhe tashmë e shikojnë vetëm 4 pikë larrg vendit të dytë që mbahet nga Partizani. Në Kukës nuk duan më hapa fals dhe shkojnë për të marrë fitoren.

Po në 13:00 do të luhet edhe sfida tjetër mes Bylisit dhe Kastriotit. Një tjetër takim mjaft interesant mes dy ekipeve që ndodhen në vendet e fundit në klasifikim dhe përballja do të jetë një “luftë” e fortë për të rrëmbyer 3 pikët.

Ndërkohë, dita e hënë na ka rezervuar 3 duele. Në 13:00 do të luhet Laçi-Teuta. Të dyja ekipet vijnë pas fitoreve respektive me Kastriotin dhe Partizanin dhe në sfidën mes tyre duan të dalin fitimtarë.

Në orë 16:00 do të luhen 2 sfida. Partizani-Egnatia dhe Erzeni-Vllaznia. Demat dhe rrogozhinasit janë në një krizë rezultatesh ku prej disa javësh nuk kanë mundur të sigurojnë fitoren dhe përballja mes tyre do të jetë shumë e rëndësishme për vazhdimësinë dhe objektivat, pasi si Colella ashtu dhe Duro duan të reagojnë për situatën e keqe ku ndodhen.

Erzeni-Vllaznia, një tjetër duel mjaft interesant. Si shijkasit ashtu dhe shkodranët kanë humbur në duelet e javës së 18-të dhe ditën e hënë do të synojnë rikthimin te fitorja për të qenë sërish protagonist në “Abissnet Superiore”.

ABISSNET SUPERIORE – JAVA 19

E DIEL 29.01.2023

13:00 Kukësi-Tirana

13:00 Bylis-Kastrioti

E HËNË 30.01.2023

13:00 Laçi-Teuta

16:00 Partizani-Egnatia

16:00 Erzeni-Vllaznia





Lajmet e fundit nga