web counter
LEXO PA REKLAMA!

SHKARKO APP

App Store
Google Play

Atsu do të udhëtonte 5 orë përpara tërmetit, por shënoi gol dhe anuloi biletën/ Vendim që i solli më pas edhe humbjen e jetës...

18 Shkurt 2023, 15:08, Sport CNA

Një histori e pabesueshme fshihet pas lajmit për vdekjen e Christian Atsu, futbollistit 31-vjeçar që më në fund u gjet i vdekur në rrënojat e një ndërtese në Hatay pas tërmetit në Turqi, konfirmoi agjenti i tij të shtunën. Siç u zbulua për një radio turke nga menaxheri i Hatayspor, një ekip në të cilin luante futbollisti Atsu Fatih, 31-vjeçari kishte planifikuar të largohej nga vendi me një fluturim në orën 23:00 të datës 5 shkurt, rreth 5.5 orë përpara tërmetit vdekjeprurës.

Por goli që shënoi po atë natë në ndeshjen e skuadrës së tij ndaj Kasimbasës, bëri që Christian Atsu të ndryshonte vendimin për të qëndruar në Turqi, pa e ditur se pas pak orësh do ta gjente vdekja.

“Atsu i kishte thënë trajnerit tonë se donte kohë në fushë para ndeshjes kundër Gaziantepit. "A mund të largohem nëse gjej një ekip?" kishte pyetur ai. Volkan Demirel kishte pranuar kërkesën e tij”, ka treguar Ilek, historinë tragjike.


“Ai nuk luajti kundër Gaziantep në fund, por shënoi gol në minutën e fundit të ndeshjes kundër Kasimbasës. Në fakt do të udhëtonte për të takuar familjen e tij. Por kur luajti mirë dhe shënoi, e anuloi biletën. Tërmeti ndodhi në ditën e tij më të lumtur. Ai do të hipte në një fluturim në orën 23:00. Anuloi biletën dhe tërmeti ra në orën 4 të mëngjesit. Është një tragjedi absolute”, përfundoi Ilek.

Trupi i pajetë i mesfushorit ganez është gjetur nën rrënojat e shtëpisë së tij, me menaxherin e tij Murat Uzunmehmet duke konfirmuar lajmin e hidhur përmes një postimi në "Twitter".

Vihet re se në 24 orët e para pas tërmetit u transmetua informacioni se Atsu ishte nxjerrë i gjallë, informacion që u përgënjeshtrua menjëherë nga miqtë e tij të ngushtë dhe agjenti i tij.





Lajmet e fundit nga