web counter
LEXO PA REKLAMA!

SHKARKO APP

App Store
Google Play

E fundit!

x

Asllani: Ja përse nuk po luaj tek Interi

20 Shtator 2022, 15:18, Sport CNA

Shqipëria do të ndeshet me Izraelin në transfertë, në sfidën e tretë të Ligës së Kombeve. Në një konferencë për mediat, mesfushori i Kombëtares, Kristjan Asllani, foli për këtë sfidë dhe tregoi për eksperiencën që po kalon tek Interi.

Çfarë duhet të bëjë Kombëtarja për ta mundur Izraelin?

Me Izraelin kemi luajtur. Është një skuadër shumë e fortë, sepse ka lojtarë shumë të shpejtë. Besoj se kemi shumë shanse për ta fituar këtë ndeshje dhe duhet të mendojmë vetëm për tri pikët.

Ju shqetëson fakti që nuk keni pasur minuta?

Nuk kam luajtur sepse është normal. Jam 20 vjeç. Kam ardhur me një ekip shumë të fortë, duhet të kem durim dhe kam përpara një lojtar shumë të fortë si Brozoviç dhe po mësoj shumë nga ai.

E shihni kombëtaren edhe si moment për t’i tërhequr vëmendjen Inzagit?

Kur jam me kombëtaren mendoj për kombëtaren. Të shoh kur të kthehem, nuk e di çfarë do të bëhet. Unë stërvitem mirë, jam profesionist dhe kur të më jepet shansi unë do të luaj.

Si ka ndryshuar jeta pas kalimit tek Interi?

Nuk e di si ka ndryshuar. Kam kaluar nga një ekip i vogël si Empoli, ku kam qëndruar për 12 vite, te një ekip i madh si Interi. Është presion i madh, e di, por unë i kam qejf këto gjëra.





Lajmet e fundit nga